ZVICRA DO TË KETË QENDRA PRITËSE PËR 5000 AZILKËRKUES
E Shtunë, 03.29.2014, 02:34pm (GMT+1)
Simonetta Sommaruga, ministre e Drejtësisë dhe Policisë Voal-online.ch - Konfederata do të ketë në dispozicion në të ardhmen qendra pritëse për 5000 kërkues të azilit. Ndajra do të bëhet në gjashtë rajone (kantoni Zyrih, kantoni Bernë, Zvicra perëndimore, Zvicra qendrore e jugore, Zvicra lindore e Zvicra veriperëndimore), që, secila prej tyre, do të ketë një deri në tri qendra procedure, për kandidatët e refuzuar dhe në pritje riatdhesimi. Dy qendra speciale, në nivel kombëtar, do të rezervohen për ata që vënë në rrezik sigurinë dhe rendin publik.
Qeveritë kantonale dhe Zyra Federale e Emigracionit do t'i studiojnë brenda këtij viti planet e caktimit të zonave ku do të jenë qendrat. Rishikimi i këtij sektori ka bërë një hap përpara me rastin e konferencës së dytë mbia zilin, e cila u zhvillua dje (të premten) në Bernë, me qëllim që të shkurtohen kohët për kryerjen e praktikave. U vendos që pjesa më e madhe e shqyrtimeve të bëhet në strukturat federale - kjo shpjegon shtimin e vendeve të mundshme, që sot janë vetëm 1'600. SDA/ATS
www.voal-online.ch
|