VOAL - Online Zëri i Shqiptarëve - ME U DASHURUE ME URAT - ZVICËR: URA E LANDWASSERVIADUKT: MONUMENT NË LISTËN E TRASHËGIMISË BOTËRORE TË UNESCO-s
ME U DASHURUE ME URAT - ZVICËR: URA E LANDWASSERVIADUKT: MONUMENT NË LISTËN E TRASHËGIMISË BOTËRORE TË UNESCO-s E Premte, 06.13.2014, 08:53pm (GMT+1)
Sa të bukura janë urat. Lidhin brigje. Lidhin njerëz. Bashkojnë hapësira. Në Zvicër ka ura pa fund. Disa prej tyre janë vepra arti të vërteta si njëra prej tyre Landwasserviadukt, e cila është një urë hekurudhore 65 metra e lartë, 136 metra e gjatë, në kantonin Graubünden.
Gjatë vitit mbi këtë urë kalojnë 22 mijë trena, ndërsa gjatë ditës 60 syresh.
Nga 7 korriku 2008 kjo urë është futur në në listën e trashëgimisë botërore të UNESCO-s. Si një nga kryeveprat më spektakolare të inxhinierisë zvicerane.
Ura e Landwasserviadukt u ndërtua midis viteve 1901-1902, pra rreth 112 vite më parë, afër stacionit të trenit Filisur. Prej asaj kohe ajo veç magjeps me bukurinë e saj, ndërsa mbi vijnë e shkojnë trenat.