Voal-online Anëtarë të ndryshëm të Club Helvétique një grup që bashkon intelektualë të famshëm zviceranë  - duan që ndalimi i ndërtimit të minareve të mos shfaqet në Kushtetutën Federale. Neni përkatës, miratuar të dielën e shkuar në votim, duhet të zëvendësohet nga një nen që nxit tolerancën.

Ende nuk kemi një projekt të qartë e përfundimtar, i ka thënë Agjencisë Zvicerane të Lajmeve (SDA/ATS) Giusep Nay, presidenti aktual i Gjykatës Federale, duke iu referuar informacionit të publikuar nga « NZZ », « Sonntag » e « SonntagsBlick ». Hamendjet më të mundshme janë për një iniciativë popullore ose për një iniciativë parlamentare.

Club Helvétique, që nuk ka ndërmend të veprojë i vetëm, parashikon të përpilojë një projekt. Një mbledhje është parashikuar në mesin e dhjetorit. « Nisur nga fakti që ne vetë nuk kemi mjete të mjaftueshme, propozimit duhet të ketë një mbështetje me bazë sa më të gjerë të mundshme, » ka thënë Nay. Duke vepruar në këtë mënyrë, thotë graubindasi, një iniciativë popullor do të kishte « realisht mundësi » suksesi. « Do të ishte e trishtueshme nëse do të rrinim duarkryq dhe t'i linim gjërat siç i kemi lënë. »