VOAL - Online Zëri i Shqiptarëve

BBC, SHAQIRI, XHAKA E BEHRAMI - NE JEMI ZVICERANË, NE JEMI NGA KOSOVA

E Martë, 07.01.2014, 03:04pm (GMT1)


Londër, 1 korrik 2014 - Sipas BBC Sport, Shaqiri, Xhaka e Behrami luajnë me Zvicrën dhe janë krenarë për një gjë të tillë, mirëpo vendlindjen e tyre nuk e harrojnë asnjëherë, përkundër paragjykimeve të shumta në Zvicër për emigrantët shqiptarë.

Emri i heroit më të famshëm të historisë së Zvicrës sigurisht se është William Tel. Pas tij vjen ylli i tenisti botëror, Roger Federer.

Mirëpo, askush nuk e ka menduar se pas atyre dy emrave në listë do të vijnë emrat e emigrantëve si Xherdan Shaqiri, Valon Behrami, Granit Xhaka apo Admir Mehmedi, shkruan BBC Sport.

Të rritur në një vend të huaj, futbollistët shqiptarë pranuan ta përfaqësonin atë, madje krenarisht, por ata nuk duan ta harrojnë vendlindjen e tyre. Ata janë myslimanë të cilët jetojnë në një vend i cili vetëm tash vonë vendosi t'i ndalojë minaret e xhamisë.

Madje, vite më parë një parti e djathtë zvicerane filloi fushën: "Shqiptarët e Kosovës JO". Gjithsesi, tani të gjithë i duan ata. Ata të cilët po e përfaqësojnë denjësisht Zvicrën para gjithë botës, duke qenë heronjtë e radhës të këtij shteti. Por, një gjë është e sigurt: Ata nuk i harrojnë rrënjët e tyre.

Vetëm kohë më parë, i pyetur për prejardhjen e tij, Shaqiri u përgjigj: "Unë jam shqiptar nga Kosova". "Unë jam një mysliman dhe kësisoj nuk i festojmë (Krishtlindjet), por motra ime e vogël ka dëshirë të ketë një pemë Krishtlindjesh dhe ne gjithmonë ia marrim një", shtoi tutje Shaqiri.

E, BBC Sport shkruan: "Mesazhi është jashtëzakonisht i qartë: Ne jemi këtu, ne jemi zviceranë, ne jemi krenarë që luajmë me Zvicrën, por mos na kërkoni ne që ta harrojmë kulturën tonë".
www.voal-online.ch


Copyright © 2005-2008 Nulled by [x-MoBiLe]. All rights reserved.