VOAL - Online Zëri i Shqiptarëve | ||||
'SWATCH' I QETË PËRBALLË ORËS SË APPLE E Enjte, 09.11.2014, 09:00am (GMT1) ZVICER- Kreu i kompanisë së njohur zvicerane të orëve "Swatch Group" konfirmoi se ishte i qetë përballë publikimit të orës inteligjente nga gjiganti informatik "Apple", njoftoi sot gazeta "Tages Anzeiger". "Industria e orëve zvicerane është nën presionin e frangës zvicerane, jo të zhvillimeve të reja të orëve inteligjente", deklaroi Nick Hayek gjatë një ceremonie në aeroportin e Zyrihut. "Ne jemi të qetë", theksoi ai. Gjiganti kalifornian publikoi dje në Cupertino orën e tij "Apple Watch" gjatë një ceremonie të shumëpritur nga investitorët dhe adhuruesit e së ashtuquajturë "marka me mollë". Ndarë në tre koleksione, kjo orë do të mundësojë mbikëqyrjen e ritmit kardiak të përdoruesit të tij, do të ketë akses me asistentin vokal "Siri", do të lexojë apo do t'i përgjigjet mesazheve, do të marrë njoftime e tjerë. "Për projektet tona, kjo nuk ka asnjë pasojë", shtoi Nick Hayek, i cili konfirmoi se grupi zviceran nuk jetonte në "orën e Cupertinos". www.voal-online.ch
|
||||
Copyright © 2005-2008 Nulled by [x-MoBiLe]. All rights reserved. |