SHQIPTARI ARNOLD GJERGJAJ LUFTON SOT PËR TITULLIN KAMPION I EVROPËS NË BOKS
E Shtunë, 10.04.2014, 04:18pm (GMT+1)
Sonte, më 4 tetor, do të ngjitet në ring "Cobra". Boksieri shqiptaro-zviceran nga Pratelni i kantonit Bazeland, Arnold Gjergjaj, pritet të shkruajë historinë e boksit zviceran.
Ai kryqëzon dorëzat me boshnjakun Adnan Redzoviq, në Bazel, për titullin e kampionit evropian. Të dy boksierët janë ende të pamposhtur. Për Arnoldin meçi i sotëm është një shans i artë, për të cilën ai është stërvitur një kohë të gjatë.
Gjergjaj do të jetë i pari boksier me licencë zvicerane në historinë njëqindvjeçare të boksit zviceran që do të garojë për një titull kampioni evropian.
Në ranglistën aktuale boksieri shqiptaro-zviceran, Arnold Gjergjaj (29), figuron me numër 5, ndërsa kundërshtari i tij boshnjak, Adnan Redzoviq (37), është me numër 8.
Redzoviq (1.88 m / afro 105 kg) është një boksier profesionist, i cili në 15 luftëra ka qenë i pamposhtur, katër nga të cilat i ka fituar pa përfunduar meçi, përcjell albinfo. Redzoviq, i cili ishte gjithashtu i suksesshëm si një Kickboxer, që nga viti 2004 është një boksier profesionist.
Ai ka një kontratë me "Felix Sturm Promotion". Katër vjetët e fundit boshnjaku është ngjitur 13 herë në ring.
Për Gjergjajn (1.97 m / rreth 107 kg) meçi i 4 tetorit është rasti i tretë i rëndësishëm i këtij viti. Pasi boksieri me rrënjë kosovare tashmë ka marrë Çmimin për Sport dhe Kulturë nga Komuna e Pratelnit dhe është martuar.
Në St Jakobs Halle në Bazel do të jetë i mbushur me përkrahës të shqiptarit me origjinë nga Kosova, Arnold Gjergjajt. Ky aktivitet organizohet nga Boxclub Basel!
www.voal-online.ch
|