VOAL - Online Zëri i Shqiptarëve - KRYETARJA E FG TË LDK-SË ZVICËR MBËSHTET INICIATIVËN E ALMA LAMËS PËR KUOTËN GJINORE NË QEVERI

Kryetarja e Forumit të Gruas të LDK-së në Zvicër zonja Shqipe Kajtazi-Bytyqi mbështet inisiativën e deputetes të LDK-së zonjës Alma Lama për kuotën gjinore edhe në përfaqësimin qeveritar. Më poshtë vjen deklarata e zonjës Kajtazi-Bytyqi:

"E nderurara zonja Alma Lama, përkrah iniciativën tuaj per kuotën gjinore edhe në përfaqësimin qeveritar.
Nje shoqëri ka per barometër avancimin e gruas, prandaj zhvillimi i nje shoqërie ndërlidhet kushtimisht me zhvillimin jo veq te gruas, si nyje me e dobët e shoqërise, por ne radhë te parë në mundesite qe i ofrohen asaj si nyje më e fortë, më e përgjegjshme, më e zellshme, në mënyrë që të bëhet subjekt i barabarte në gjitha poret e shoqërise. Përkundër, këtyre mundësive aspak te knaqshme, ne Kosove veprojnë dhe punojne femra shumë te angazhuara dhe profesioniste te shkëlqyera, të cilat gjate karrieres tyre nuk njohin ose nuk aplikojnë metoden e brrylave ose ate të ndërskamcave.
Ndjehem thellësisht e indinjuar, që as qeverija e sapoformuar nuk u besoj më shumë vendimmarrje femrave kosovare. Kosova, humbi edhe një herë betejën në qështjen e barazisë gjinore, humbi shansin te ketë profesioniste te kompletuara në ekzekutiv. Kosova humbi edhe një here shansin që në mesin e një kabineti qeveritar të shumëpërfolur, të ketë në mesin e vetë disa nga zërat me të fuqishëm, më të drejtë, më të pakorruptuar dhe më të përgjegjshëm.
E nderurar z. Alma Lama, pajtohem plotësisht, se ka ardhur koha të ndërmarrim hapa konkretë për ta ndryshuar këtë gjendje, prandaj përkrah iniciativën tuaj per kuotën gjinore edhe në përfaqësimin qeveritar.
Shqipe Kajtazi-Bytyqi
FG LDK, Zvicër"