CHARLIE HEBDO - GAZETARËT ZVICERANË NDEROJNË KOLEGËT E VRARË Pas leximit të një mesazhi solidariteti u mbajt një minutë heshtje
E Enjte, 01.08.2015, 04:43pm (GMT+1)
GJENEVË - Rreth 400 veta - kryesisht gazetarë - janë bashkuar sot në Gjenevë për t'iu bërë ndërime viktimave të atentatit të djeshëm kundër redaksisë së Charlie Hebdo. Pasi është lexuar një mesazh solidariteti dërguar javores satirike pariziane, të pranishmit kanë mbajtur një minutë heshtje.
"I gjithë profesioni ynë është në zi," ka nënvizuar mesazhi i shkruar nga gazetarët dhe nga personeli i "Tribune de Genève". "Nuk gjenden fjalët e zonja për të shprehur dhimbjen, trishtimin dhe zemërimin të cilët na kanë pushtuar", vijon letra drejtuar kolegëve të Charlie Hebdo e familjarëve të vitkimave.
"Ky atentat - thuhet më tej . na kujton në mënyrë tejet brutale, sa rëndësi ka të luftojmë çdo ditë me laps ose me penë në dorë për të mbrotjur lirinë e shprehjes dhe lirinë e shtypit, themelet e demokracisë dhe të Shtetit të së drejtës."
"Gazetarë të shumë - konstaton mesazhi - vdesin vazhdimisht në mbarë botën vetëm pse bëjnë punën e tyre." ATS
www.voal-online.ch
|