Voal-online Referendumi aq i shumëpritur, i mbajtur sot në Zvicër, ia ka dhënë një po të qartë Marrëveshjes për qarkullim të lirë të punëtorëve të Bashkimit Evropian, zgjeruar me Bullgarinë dhe Rumaninë. Votat në favor të qarkullimit të lirë janë 56% për qind, sipas të dhënave përfundimtare. Vetëm katër nga 26 kantonet dhe gjysmëkantonet kanë qenë kundër Marrëveshjes. Ky është, pa dyshim, një hap tjetër i rëndësishëm i forcimit të marrëdhënieve midis Zvicrës dhe Bashkimit Evropian.