Rashid Hamdani dhe Maks Goeldi

Voal-online -Gjykata e apelit në Libi e shfuqizoi vendimin për dënim me 16 muaj burg të biznesmenit zviceran, Rashid Hamdani, nën akuzat për qëndrim me vizë të skaduar.

Hamdani dhe bashkëpunëtori i tij Maks Goeldi kishin qëndruar një vit e gjysmë në ambasadën e Zvicrës në Tripoli.

Ata u dënuan në mungesë në 30 nëntor nga gjykata e shkallës së parë në Tripoli për qëndrim me vizë të skaduar në Libi.

Hamdani punon për një firmë ndërtimi zvicerane, ndërsa Goeldi është menaxher në kompaninë ndërtimore zvicerano-suedeze ABB.

Komisioneri i Lartë i OKB-së për të drejtat e njeriut, Navi Pilaj, e përshkroi si "të padrejtë" trajtimin e tyre nga ana e Libisë.

Gjithsesi Hamdanit i mbetet edhe një instancë gjyqësore për të kaluar.

Në vazhdim është procesi i Maks Goeldit.

Dy zviceranët u arrrestuan në Tripoli, kryeqytetin libian, më 19 korrik 2008. Disa ditë më parë policia e Gjenvës kishte marrë në pyetje Hannibal Gaddafin dhe gruan e tij për keqtrajtim të një shërbëtoreje. Prej atëherë marrëdhëniet midis Zvicrës dhe Libisë janë rënduar.

Voal-online - Nga Davos në Doha rruga është ende e gjatë: takimi i vogël i rangut ministror i mbajtur në Forumin botëror ekonomik ka theksuar se liberalizimi i tregëtisë duhet të avancojë, por vullneti politik nuk i ka tejkaluar ende provat e fakteve.

Ministrat që morën pjesë në takimin informal kanë vendosur që përgjegjësit e përpjekjeve në gjirin e Organizatët Botërore të Tregëtisë (WTO)  të elaborojnë gjatë dy muajve të ardhshëm një listë të nyjeve që duhen të zgjidhen, ka thënë këshilltarja federale Doris Leuthard gjatë një konferencë për shtyp në Davos. Vetëm kur kjo listë të jetë zgjidhur, mund t’i kthehemi negociatave, ka vëzhguar ambasadorja helvetike Marie-Gabrielle Ineichen-Fleisch.

Disa ministra, sidomos ai brazilian Celso Amorim, kanë kërkuar ndërhyrjen e liderëve botërorë për të çbllokuar situatën, por përpara duhen të kjartësohen disa aspekte teknike ka nënvizuar drejtori i WTO Pascal Lamy.

«Duhet  të jetë vullneti politik i vendosur», ka shtuar Leuthard, duke bërë apel për bashkëpunim me të gjitha vendet. Këshilltarja federale ka qenë skeptike për sa i përket një konkluzioni të ciklit në Doha në vitin 2010: nga këndvështrimi teknik është e mundur – ka vënë re – por nga ai politik është e vështirë, përderisa disa vende kryesore nuk marrin përsipër rolin që u takon.

Ndërkaq për rastin HSBC Berna thotë se nuk mund ta ndalojë Parisin të përdorë listën: “Nuk mun të pretendonim, Franca është një shtet sovran”

Voal-online –Një informator iu ka ofruar autoriteteve të Gjermanisë një listë me 1500 mera të klientëve gjermanë, titullarë të llogarive pranë bankave zvicerane, të cilët kishin fshehur tatimet.

 

Këtë e bën të ditur e përdishmja gjermane Frankfurter Algeimeine Zeituv, duke saktësuar se i panjohur ka kërkuar në shkëmbim 2,5 milionë euro dhe se ministri i Financave Wolfgang Schaeuble është duke e vlerësuar propozimin.

Për ta konfirmuar pranueshmërinë e dossierit të tij,  informatori ka shpalosur disa prej të dhënave që kanë të bëjnë me pesë qytetarë gjermanë, secili prej të cilëve duhej të paguante një tatim rreth një milion euro.

 

Ndërkohë lidhur me rastin paraprirës, atë të vjedhjes së disa të dhënave nga filiali gjenevas i bankës HSBC, të cilat iu dorëzuan autoriteteve të Parisit nga një punonjës i asaj banka, Berna deklaron dje se nuk mund t’ia ndalojë Parisit përdorimin e listës, përderisa Franca është një vend sovran.

 

Këtë e ka pranuar Departamenti Federal i Punëve të Jashtme i Zvicrës. Berna, në kuadrin e asaj që ndodhte në HSBC, kishte ngrirë në dhjetor ratifikimin e marrëveshjes për tatimin e dyfishtë. Falë mirëkuptimit të arritur këtë javë në forumin e Davosit janë hequr edhe pengesat e fundit drej nënshkrimit të marrëveshjes midis këtyre dy

Micheline Calmy-Rey takon personalitete të ndryshme, ndër të tjerë Amre Moussa (Lidhja Arabe)

Një sondazh tregon se ekziston një shumicë në favor

Leuthard merret me bankierët, Merz i sheshon mospajtimet në çështjen tatimore

Voal-online –Duke hapur edicionin e 40-të të Forum Ekonomik Botëror të Davosit, Doris Leuthard ka qortuar “hendekun ekzistues midis diskutimeve dhe realitetit” në fazën e rivënies së rregullit në ekonominë botërore, duke e pasur fjalën në mënyrë të veçantë tek bankierët.

Sipas presidentes së Konfederatës, institutet e kredidhënieve “orvaten t’iu shmangen përgjegjësive të tyre”, nisur nga fakti që bëhen gati të zbrazin “bonus për një vlerë të paarritur kurrë deri tani”.

Para një plateje të formuar nga politikanë e nga përfaqësues të botës ekonomike, këshilltarja federale ka nënvizuar se, prej një viti, mbipërpjekjet e bashkërenduara nga bankat qendrore, nga organizatat ndërkombëtare dhe nga qeveritë kanë lejuar shmangien e një falimentimi të ekonomisë botërore. “Kriza – ka shtuar – ka nxitur madje një varg reflektimesh mbi mënyrë e reformimit të sistemit financiar ndërkombëtar.”

Sipas saj, hendeku midis fjalëve dhe fakteve i përket edhe temës së shkëmbimit të lirë: ndërsa G20 synonte ta zvogëlonte proteksionizmin dhe ta përmbyllte ciklin e Dohas, realiteti dëshmon se masa të ndryshme diskriminuese janë vënë në veprim, në mënyrë të tillë që procesi është ende i penguar.

Në praninë e homologut të saj francez Nicolas Sarkozy, Leuthard ua ka bërë, ndonëse tërthorazi, një kritikë vendeve që sulmojnë Zvicrën mbi çështjet tatimore.

Kriza me Parisin i përket së shkuarës

Problemi i lindur nga vjedhja e të dhënave në filialen gjenevase të HSBC është sheshuar menjëherë, ashuti siç e parathonin burimet zyrtare.

Ka mjaftuar një bisedë me banorin e Elizeut dhe ministrin e tij të Thesarit Eric Woerth për të bërë që Hans-Rudolf Merz ta konsiderojë diçka që i përket së shkuarës. "Kemi gjetur një zgjidhje,” ka konstatuar me kënaqësi kreu i Departamentit Federal të Financave.

Sot hapet në Davos takimi i 40-të ekonomik botëror

Voal-online -Shumë nga Franca, pak nga Shtetet e Bashkuara dhe asnjë libias: kjo është menyja e edicionit të 40-të të World Economic Forum (WEF) që nis sot në Davos dhe mbaron të dielën. Ndërsa politikanët e gjithë botës kërkojnë të përballin krizën ekonomike, sektori financiar shikon drejt së ardhmes me besim të ripërtërirë. Në WEF do të marrin pjesë 2500 personalitete nga bota ekonomike, politike dhe nga shoqëria civile. Kryetarët e shteteve dhe të qeverive do të jenë 30 dhe ministrat mbi 60: do të spitakin në Davos sidomos kryeministri spanjoll Zapatero dhe ministri italian i Ekonomisë Tremonit, si dhe presidenti meksikan Calderon, Lula da Silva (Brazile) dhe Peres (Izrael).

Sipas traditës janë edhe shumë shoqëri pjesëmarrëse, të cilët paguajnë një biletë hyrjeje dhe mijëra franga secili gjatë qëndrimit në këtë veprimtari. Bashkëkryesues i forumit është numri një i Deutsche Bank, zvicerani Josef Ackermann. Manxherë të nivelit të lartë do të jenë në tërësi mbi 1400, të cilëve iu shtohenn përfaqësuesit e organizatave joqeveritare dhe masmediat.

Mungues të mëdhenj do të jenë ndërkaq qytetarët e Libisë: kriza diplomatike midis Bernës dhe Tripolit i ka shtyrë organizatorët të mos i bëjnë ftesë vendit afrikan. Si vitin e shkuar, do të jenë të pranishëm edhe personazhë të botës hollivudiane.

Leuthard e Sarkozy 

Forumi do të hapet nga presidente francez Nicolas Sarkozy e nga presidentja e Konfederatës Doris Leuthard, e cila – duke u takuar me kreun francez – mund të kërkojë të zbutë mospajtimet dypalësge në rrafshin tatimor pas vjedhjes së të dhënave bankare në filialen gjenevase të HSBC. Sipas burimeve franceze, në Davos është parashikuar edhe një takim kokë më kokë midis ministrit të Financave Hans-Rudolf Merz e ministres franceze të Ekonomisë Christine Lagarde. Në lokalitetin graubindas janë të shumëpritur edhe shefja e diplomacisë zvicerane dhe shefi i diplomacisë franceze, respektivisht, Micheline Calmy-Rey e Bernard Kouchner. Nuk priten risi sa iu përket marrëdhënieve midis Bernës e Washingtonit, lidhur mbi peshën e “shpatës së Damokleut” të rastit UBS. Një debat  i parashikuar të premten nga komisioni ekonomik Zvicër-SHBA është anulluar.

Besim dhe nxitje

Trupi i pajetë i Markus Reinhardt është gjetur në një dhomë hoteli në Davos

Paraqitje e kandidaturës në bashkëpunim me vende të tjera të harkut alpin

Voal-online –Policia kolumbiane e ka liruar mbrëmë zviceranen e rrëmbyer më 11 janar nga kriminelë ordinerë në fshatin Palombino, në verilindje të Kolumbisë. Njëri nga sekuestruesit është arrestuar dhe dy të tjerët janë larguar pas një shkëmbimi zjarri me policinë. Për ta liruar rrëmbyesit kishin kërkuar 350 000 dollarë.

“Manuela Fankhauser, 32 vjeçe, është shëndosh e mirë”, ka thënë koloneli Luis Burgos, shef i policisë i rajonit La Guajira. Qytetarja zvicerane është vendosur në Kolumbi pas martesës me një qytetar kolumbian. Pavarësisht aventurës që i ndodhi, ajo ka vendosur të rrijë Kolumbi.

Në një konferencë shtypi pas lirimit zvicerania e ka përshkruar përvojën e saj gjatë periudhës së rrëmbimit: “Rrëmbyesit më jepnin mua të ha, ata gatuanin peshk dhe mish. Unë kam ngrënë.” E pyetur se çfarë ka ndërmend të bëjë pas lirimit nga pengu, ka sqaruar qëllimin e saj për të mos u larguar nga Kolumbia: „Kjo që ndodhi nuk ma ka ndërruar mendimin për Kolumbinë që është një vend shumë i bukur.“ Kështu kanë cituar mediat kolumbiane të ketë thënë zvicerania.

Policia e rajonit La Guajira bëri të ditur se ajo është rikthyer tashmë tek burri i saj kolumbian.