Voal-online –Drejtori i Përgjithshëm i HSBC Private Bank, Alexandre Zeller, që është shprehur për herë të parë në shtyp sa i përket përhapjes së të dhënave të rezervuara bankara ndodhur në filialen gjenevase, thotë se lista e transmetuar tek autoritetet franceze nga një ish i punësuar i tij përmban “pasaktësi” dhe “inkoherenca”.

Informaticieni 38 vjeçar kishte “vjedhur pjesë të disa puzzle (enigmave), duke u përpjekur t’i ngjesë bashkë”, por “këto të dhëna janë vështirë të përdorshëm, qoftë në rrafshin teknik, qoftë në rrafshin juridik”, ka shpjeguar pastaj Zeller në një intervistë të publikuar dje në “La Matin Dimanche” dhe në “SonntagsZeitung”. Drejtuesi financiar hamendëson se i punësuari kishte nxjerrë tinëz ekstrakte bankare në rrjedhën e rinovimit të sistemit informatik midis fundit të vitit 2006 dhe fillimit të vitit 2007.

Transmetimi i kësaj liste tek autoritetet franceze ka ngjallur tensione midis Bernës dhe Parisit. Nga na franceze kishte dalë propozimi për ta radhitur Konfederatën në “listën e zezë” të parajasave tatimore jo bashkëpunuese. Senati francez, me kërkesën e qartë të ministrit të Bilancit, Eric Woerth, ka vendosur pastaj ta tërheqë propozimin, duke hedhur ujë në zjarrin e polemikave. Nga ana e saj Berna kishte vendosur të pezullonte procesin e ratifikimit të marrëveshjes së tatimit të dyfishtë.

Voal-online –Senati francez me kërkesën e qeverisë ndëralpine nuk ka pranuar ta rendisë Zvicrën në listën gri të Organizatës për Bashkëpunim dhe Zhvillim Ekonomik. Senatorët e shumicës kanë tërhequr kështu një nen që parashikonte marrjen e kësaj mase në rast se Zvicra do të vazhdonte pezullimin e marrëveshjes franko-helvetike për tatimin e dyfishtë.

“Nuk dua të hedh benzinë në zjarr. Do të doja që gjërat të ndalen këtu. Jua kërkoj shprehimisht.” Kështu foli ministri i Finacave Eric Woerth para senatorëve të cilët janë bindur.

Ndërkaq një zëdhënës i prokurorit federal helvetik ka bërë të ditur se një ish i punësuar i bankës HSBC të Gjenevës që ka nxjerrë të dhëna të shumë klientëve të bankës, ka filluar të bashkëpunojë me autoritetet franceze prej korrikut 2008.

Provokimin e tensioneve të forta midis dy vendeve e ka sjellë pikërisht lista e emrave të mbajtësve të llogarive në bankat zvicerane në zotërim të të cilave ishte vetëm financa franceze dhe, sipas Bernës, vjen nga vjedhja e të dhëna konfidenciale nga ana e Hervé Falciani. Siüas së përditshmes ‘Le Parisien’, për ta pasur këtë listë kishte paguar. Woerth deri tani ishte mbrojtur duke thënë se lista ishte marrë në mënyrë ligjore.

Voal-online –Hans Rudolf Merz, në një intervistë të sotme në Tages Anzeiger, e kritikon qeverinë franceze për çështjen e “vjedhjes” së të dhënave nga banka HSBC.

Sipas presidentit të Konfederatës bëhet fjalë për një sjellje të çuditëshme duke pasur parasysh se gjatë takimit në Bernë në fund të gushtit me ministren franceze të Ekonomisë, Christine Lagarde, kjo e fundit nuk e ka prekur ëtë çështje në një kohë kur ishte në dijeni të nxjerrjes së të dhënave në bankën gjenevase.

Sipas Merz bëhet fjalë për një mungesë transparence nga pala franceze.

Merz ripohon se ka qenë e drejtë të pezullohen ratifikimi i marrëveshjes për tatimin e dyfishtë me Parisin. Presidenti i Konfederatës thotë se trembet nga një përkeqësim i raporteve me fqinjët (Francë, Itali, Gjermani) për shkak të grindjes tatimore dhe se do të tonte sa më shpejt të krijonte një sekretari për çështjet financiare me jashtë.

“Duhet të diskutojmë, të bëjmë tratativa me këto vende.”

Voal-online –Më shumë se një gjysmë miliardi gjobë ndaj Credit Suisse nuk duket të jetë një gjë e vogël. E dinë Shtetet e Bashkuara të Amerikës që ia kanë vënë një shumë të madhe prej 536 milionë dollarësh institutit bankar zviceran, akuzuar se ka bërë pagesa në dollarë amerikanë midis vitit 2002 e 2007 drejt vendeve të vëna nën sanksionet ekonomike të SHBA, midis të cilëve Iranit.

Banka nuk ka thënë nëse janë ndërmarrë operacione financiare drejt këtij vendi, por ka theksuar se zyrat e saj në Teheran ishin të mbyllura në vitin 2006.

Shifra ka dalë nga një marrëveshje midis bankës dhe Uashingtonit. Autoritet e SHBA kanë njoftuar se bëhet fjalë për vlerën më të madhe të arritur ndonjë herë në raste të ngjashme.

Drejtësia amerikane kishte konfirmuar në janar se do të hetonte operacionet e nëntë bankave të dyshuara se e kanë ndihmuar Teheranin. Banka britanike Lloyds TSB Bank kishte pranuar se kish lehtësuar dërgesat e qytetarëve të vendeve si Irani e Sudeni e kishte pranuar të jepte 350 milionë dollarë për ta mbyllur rastin.

Voal-online –Zvicra do të pranojë një të dënuar të Guantanamos, për arsye humanitare. Ai është uzbek dhe është arrestuar në vitin 2002 në Afganistan. Do të qëndrojë në kantonin e Gjenevës. E ka bërë të ditur të mërkurën Departamenti Federal i Drejtësisë dhe Policisë, duke saktësuar se i dënuari do të jetë i detyruar t’i respektojë ligjet helvetike dhe të mësojë frëngjisht, gjuha që flitet në rajonin ku ai do të banojë.

Sipas Departamentit Federal të Drejtësisë dhe Policisë nuk janë sqaruar asnjëherë dyshimet se i burgosuri kishte raporte me ambjentet terroriste, siç ishte supozuar nga SHBA. Nga 2005 në fakt ai ishte renditur në listën e personave që mund të liroheshin. Zvicra ka marrë kështu garancinë se uzbeku nuk është dënuar asnjëherë, nuk përbën rrezik për sigurinë kombëtare dhe nuk ka probleme të veçanta shëndetësore. Marrëveshja ku do të përcaktohen kushtet e transferimit ende nuk është nënshkruar.

Të dënuarin e ka “zgjedhur” një delegacion helvetik që ishte në gusht në Shtetet e Bashkuara të Amerikës për të vlerësuar mundësinë nëse mund ta pranonte një të burgosur nga katër të mundshëm, ku figuronin edhe një palestinez dhe dy ujgurë (këta të fundit pjesëtarë të pakicës myslimane kineze). Në vijim uzbeku ishte ftuar të bënte një kërkesë me shkrim ndaj Zvicrës në mënyrë që ai të mund të pranohej.

Voal-online –Ministri i Financave Hans-Rudolf Merz dëshiron ta pezullojë procesin që ka të bëjë me konventën e re të tatimit të dyfishtë me Francën e cila lehtëson shkëmbimin e iformacioneve.

Presidenti i Kofederatës ka shpallur sot në shtypin e Bernës këtë qëllim në kundërpërgjigje të rastit të informacioneve të nxjerra nga banka britanike HSBC për një informatiku me qendër në Gjenevë të institutit bankar dhe të përfunduar në duart e autoriteteve franceze.

Franca e Zvicra kanë firmosur në fund të gushtit një projekt kontrate për tatimin e dyfishtë që e mundëson shkëmbimin e të dhënave në rastet e mashtrimeve tatimore, për çka nuk është e vlefshme mbrojtja e sekretit bankar.

Marrëveshje ishte dërguar në Parlament për miratim.