Voal-online – Në UBS po përjetohet aktualisht një „ikje e personelit të kualifikuar“, e cila është shndërruar në dukuri. Kështu shkruante të Kaspar Villiger në numrin e djeshëm të gazetës Berner Zeitung.

Pas shkurtimeve të shpërblimeve, bërë kohët e fundit, ndodhur nën trysninë e politikës, nuk është më aq tërheqëse sa më parë nga pikëpamja e rrogave, në rrafshin e konkurencës, thotë presidenti i këshillit administrativ të institucionit.

Voal-online  –Tani e ardhmja e gazetës berneze “Der Bund” (Bashkimi) është krejtësisht e qartë: ajo nuk do të mbyllet. Redaksia e gazetës prej tani e tutje do të punojë me 22 vende pune më pak. Nga vjeshta e vitit 2009 kjo gazetë do të jetë pjesë e grupit botues të gazetës së Zyrihut “Tages-Anzeiger” (Lajmëtari Ditor). Këtë e bënte sot të ditur kompania botuese përkatëse Tamedia.

Në të njëjtën kohë “Tages-Anzeiger” do të riorganizojë redaksinë e saj nga e para. Me anë të një bashkëpunimi të ngushtë me “Newsnetz”, “News”, dhe “Tages-Anzeiger” do të shkurtohen edhe 57 vende të tjera pune. Redaksitë e shoqërisë mediatike “Tages-Anzeiger” do të kenë gjithësejt 235 vende pune me kohë të plotë.

Voal-online – Me një rrogë mesatare 13 milionë franga në vit, drejtuesit e 7 grupeve (ABB, Credit Suisse, Nestlè, Novartis, Roche, UBS dhe ZFS), marrë në shqyrtim nga kabineti këshillimor evropian Hewitt, rezulton se manaxherët më të paguar në Evropë janë në Zvicër. Hetimi në fjalë iu përkiste 100 ndërmarrjeve kryesore evropiane. Dhe mesatarja e tërësishme e shpërblimeve vjetore për titullarët e tyre është 8,3 milionë. Në krye të klasifikimit – dhe kjo nuk është një risi – mbërrin padroni i Novartis, Danie Vasella, i cili më 2008 ka marrë 20, 5 milionë franga (+25%), i pasuar drejtpërdrejt nga Franz Hummer, me 15,2 milionë franga.

Voal-online – Hapja e një tuneli tjetër autostradal në Sant Gotard, pa e shkelur Kushtetutën e Konfederatës Helvetike, është e mundshme, me kusht që të mos zgjerohen kapacitetet e trafikut, pra të qarkullimit të automjeteve. Këtë e ka bërë të ditur Moritz Leunberger, duke saktësuar se duhet kufizuar trafike në një korsi të vetme dhe duhet kufizuar shpejtësia në masën 80 kilometra në orë.

Në një intervistë dhënë në gazetën e të dielave, SonntagsZeitung, ministri i Transporteve,i është përgjigjur me këtë deklaratë Iniciativës së Alpeve, e cila flet për antikushtetueshmëri të këtij projekti. Këshilltari federal Leunberger, gjithsesi, ka saktësuar se dyfishimi i Sant Gotardit nuk është aq i nevojshëm dhe se shpenzimet për të do të ishin „të pamasa“.

Voal-online – Në tremujorin e parë, në të gjitha të dhënat e regjistruara këtë vit nga Banka Kombëtare e Zvicrës (SNB-BNS), ajo ka shënuar një fitim prej 4,83 miliardë franga. Në këtë rezultat ka ndikuar prurja nga këmbimet e parave dhe rritja e çmimit të arit. Fondi i stabilizimit, i cili i ka mbajtur aktivë të ashtuquajturit “toksikë“ të UBS, ka pasur një peshë negative në këtë rezultat, në masën 453 milionë franga. Në një komunikatë të lëshuar të premten nga Banka Kombëtare e Zvicrës bëhet e ditur se është përmbyllur ndërkohë faza e transferimit të titujve dhe të kredive nga ana e këtij instituti financiar.

Voal-online – Bëhet e ditur se zgjidhja e çështjes së vjetër jurasiane do të hidhet në votime popullore: do të jetë tashmë popullsia ajo që do të fatin e rajonit. Kështu ka vendosur të hënën Asamblea Ndërjurasiane e mbledhur në Moutier (Bernë), ku ka paraqitur raportin final për zgjidhjen e konflikit, pa dhënë rekomandime të tjera.

Voal-online – I riu nga Argau i prekur nga gripi H1N1 të dielë ka mundur të dalë nga spitali kantonal i Badenit ku ai kishte qenë i shtruar. “E ka kapërcyer gripin pa probleme dhe është shëndosh e mirë,” iu ka thënë mediave zëdhënësja e spitalit.

Ish i sëmuri me grip nuk është më ngjitës, ndërkohë janë ende në karantinë parandaluese 16 punonjës të spitalit që kishin qenë në kontakt me të sëmurin para se tek ai të konstatohej sëmundja, si dhe 15 nga miqtë dhe të afërmit e tij, që gjithashtu kanë pasur kontakte të tilla me të. Të gjithë këta janë trajtuar me Tamiflu.

I riu nga Argau, siç dihet, ishte shtruar në spital njëherë, pastaj ishte liruar. Dhe më vonë ishte shtruar prapë në spital përfundimisht të mërkurën e shkuar: ai sapo ishte kthyer nga Meksika.