Voal-online - Izraeli e ka shtuar ofensivën në Rripin e Gazës: me dhjetra tanke kanë hyrë në jug të territorit palestinez dhe sulmet ajrore janë drejtuar mbi qytetin Rafah. Ministri i Jashtëm francez Kouchner, që është presidenti i rradhës në Këshillin e Sigurimit të OKB-së, nuk ia ka dalë dje që të merrte një aprovim unanim në gjirin e OKB-së përsa i përket krizës të Gazë, ku kanë filluar edhe sot përpjekjet.

7 janar (Voal-online) – Mediat shqiptare kanë publikuar sot se David Miliband, Ministër i Punëve të Jashtme i Mbretërisë së Bashkuar, iu ka dërguar letra 30 homologëve të tij nga vende të ndryshe të botës, ku iu sugjeron ta njohin pavarësinë e Kosovës. Dhjetë nga këto vende thuhet se do ta njohin Kosovën përpara 17 shkurtit, pra njëvjetorit të shpalljes së pavarësisë dhe sovranitetit të Kosovës. Në mesin e këtyre shteteve përmendet të jenë edhe Katari dhe Indonezia, dy vende të cilat kanë nguruar deri tani të hedhin hapin e njohjes së pavarësisë dhe sovranitetit të Kosovës.

7 janar (Evropa e Lirë) - Gjermania do të angazhohet në lobimin për njohjen e pavarësisë së Kosovës nga pjesa e mbetur e BE-së dhe vendet e tjera, ka thënë sot në Prishtinë, Norbert Lammert, kryetar i Parlamentit Gjerman. Keto komente, Lamert i bëri pas takimit që zhvilloi me presidentin Fatmir Sejdiu. Ndërsa e ka quajtur arrestimin paradokohshëm të tre gjermanëve në Kosovë nën dyshimin për implikim në sulmin ndaj ICO-së si një "rast fatkeq",  "Dua të theksoj se njohja e Kosovës nga shumica e vendeve të BE-së ishte edhe rezultat i angazhimit gjerman për ta njohur Republikën e Kosovës dhe se aktivitete të ngjashme të shtetit gjerman do të vazhdojnë edhe në të ardhmen", tha Lammert. /Voal-online.

Voal-online - “Ne do të vazhdojmë të bëjmë punën tonë për njohjen sa më të gjerë të Republikës së Kosovës”, ka thënë Gül, duke premtuar se do të vendi i tij do të vazhdojë të organizojë kontakte miqësore midis Kosovës dhe vendeve nga të cilat kërkohet njohja. “Fokusim yni do të jenë sidomos vendet islamike”, ka premtuar presidenti turk. Ndërkaq Krasniqi ka thënë se Republika e Kosovës dëshiron të thellojë marrëdhëniet me Republikën e Turqisë në të gjitha fushat, si partner strategjikë. Gjatë vizitës në Turqi, Kryetari i Parlamentit të Kosovës është pritur nga Presidenti Gül, kryeministri Erdogan dhe homologu i tij Köksal Topten. Kryeministri Erdogan do ta vizitojë Kosovën në pranverë.

ANSA – Voal-online -Është arritur gjatë mbrëmjes të ditës më të keqe në Gaza, propozimi i ndërhyrjes nga presidenti egjyptian Mubarak. Presidenti egjyptian e bëri të ditur planin pas bisedimeve me presidentin e Francës Sarkozy. Plani Mubarak-Sarkozy  është tri pikësh dhe përfshin: armëpushimin, bisedimet  për sigurinë reciproke dhe apel për pajtimin kombëtar midis palestinezëve. Pas deklarimit të Planit Mubarak-Sarkozy arrin edhe konfirmimi i kryeministrit Izraelian Ehud Olmert për hapjen e korridorit humanitar në Rripin e Gazës.

VOA, ANSA - Voal-online-  SHBA kanë qenë në favor të planit Mubarak-Sarkozy për një ndalim të menjëhershëm të zjarrit midis Izraelit dhe Hamasit, si dhe kanë kërkuar që të “garantohet ecuria e kësaj inisiative”, tha Sekretarja e Shtetit Condoleezza Rice ndërsa mori fjalën në Këshillin e Sigurimit të OKB-së.  Rise ka ripohuar, se një kthim në situatat e mëparëshme nuk është i pranueshëm dhe se ndalimi i zjarrit duhet të jetë stabil. Zonja Rise po ashtu shprehu shqetësimin e saj për situatën humanitare në Rripin e Gazës. “Duhet të kemi sa më shpejtë ndalimin e zjarrit dhe prandaj e mirëpresim inisiativën e presidentit të Egjyptit e cila duhet të garantojë armëpushimin. Në deklaratën e saj zonja Rise po ashtu përmendi vendimin e kryeministrit të Izraelit Ehud Olmert për hapjen e një corridori humanitar në Gaza.

Evropa e Lirë / Në një tubim në Preshevë sot u protestua kundër arrestimit të shqiptarëve nga autoritetet e Serbisë dhe u kërkua "lirimi i tyre i menjëhershëm". Orhan Rexhepi nga Lëvizja Kombëtare Shqiptare, tha se "ajo që më së paku mund të bëjmë është të protestojmë, por në fund do të jemi të detyruar që të ndërmarrim hapa". Në protestë morën pjesë më se 1 mijë vetë. Më 26 dhjetor të vitit të kaluar, Serbia arrestoi 10 shqiptarë, ish pjesëtarë të UÇK-së, duke i akuzuar ata për krime në rajonin e Gjilanit në vitin 1999./Voal-online

RDW- Bashkësia ndërkombëtare vazhdon përpjekjet për të ndërmjetësuar në konfliktin në Rripin e Gazës. Presidenti francez, Nicolas Sarkozy, kërkoi gjatë një vizite në Damask, që Siria të ushtrojë presion ndaj Hamasit, me qëllim që në territoret palestineze të vendoset armëpushimi. Siria, ku jeton në mërgim shefi i Hamasit, Khaled Meshal, është ndër vendet me rëndësi kyçe në këtë konflikt. Armëpushimi mund të pranohet, nqs Hamasi i ndërpret sulmet me raketa, tha zëdhënësi i qeverisë Olmert./Voal-online.

ZA – Ansa - Mjekët palestinezë bëjnë me dije se të paktën 40 vetë janë vrarë gjatë një sulmi të Izraelit në një shkollë të OKB-së në Gaza, gjatë ditës të 11 të konfliktit. Palestinezët thonë se civilët janë duke kërkuar strehë për t’u mbrojtur nga sulmet izraelite, ndërsa Izraeli akuzon Hamasin se është duke përdorur shkollat dhe xhamitë, si dhe vende që përdorin civilët për t’u fshehur. Pierre Kraehenbuehl, drejtori i Kryqytit të Kuq në Gjenevë thotë se në Gazë kemi një krizë të plotë humanitare, ndërsa zëdhënësi i Kryqit të Kuq në Gaza thotë se spitalet janë të tejmbushur me civilë./Voal-online