Voal-online -Është gjetur në arkivat e rrjetit televiziv amerikan CBS një film i vjetër në të cilin i riu James Dean (Xhejms Din), 'kryengritësi pa shkak' i kinemasë amerikane, luan pranë presidentit të ardhshëm të Shteteve të Bashkuara, Ronald Reagan.

Hollywood, 1954. Para makinave të xhirimit të General Electric Theater, një seri amerikane e transmetuar fillimisht në radio e pastaj në televizion, takohen për herë të parë dy personazhe historike: nga njëra anë Ronald Reagan, në atë kohë aktor i bujshëm ende larg karrierës politike, nga ana tjetër James dean, pak kohë pas interpretimit në filmin "Lugina e Edenit", që do të merrte një emërim për Oskar.

Në episodin ku ata janë protagonistë të dy interpretojnë një ripërshtatje të romanit me titull "The Dark, Dark Hours" (Orë të errëta, të errëta). Reagan është një mjek i zgjuar nga gjumi në mes të natës dhe që duhet të mbrojë shtëpinë e tij e familjen e tij nga një sulm i armatosur i një adoleshenti të mishëruar nga dean.

Filmi, transmetuar vetëm një herë në vitin 1954. ka dalë nga arkivët e CBS dhe tani është duke qarkulluar në internet.

Tetëvjeçari duket të jetë një gjeni...


Angelina Jolie (34 vjeçe) dhe Brad Pitt (46) janë tejet krenar për birin e tyre Maddox: Tetëvjeçari mendohet se është një Einstein (Ajnshtajn) i vogël! Sipas "Daily Star", nëna iu ka thënë miqve e saj se biri i saj i madh ka një inteligjencë jashtëzakonisht të lartë ...

"Ai është tejet i zgjuar. Ai i do dhe librat dhe lojërat teknike. Ai vizaton, merr mësime pianoje, luan futboll dhe flet rrjedhshëm në anglisht, frengjisht, spanjisht dhe kamboxhishten e tij amtare," thotë një mik. Përveç kësaj: Maddox me vëllezërit e motrat e tij Pax (6), Zahara (5), Shiloh (3) dhe binjakët Vivenne dhe Knox (19 muaj), tashmë ka udhëtuar në të gjithë botën. Një fëmijë i vërtetë me fat, ky vogëlush!

Në foto: Aktori neozelandez në trotuarin e famshëm në Hollywood

"Për mua - ka thënë ai - është një privilegj ta marr këtë titull përpara shumë miqve dhe kolegëve të mi. Por është privilegj edhe më i madh prania e gruas sime të hatashme, Danielle, dhe e djemve të mi, Charlie dhe Tennyson."

Voal-online -Edhe Russel Crowe (Rasëll Krou) prej ditës së djeshme e ka yllin e tij në Hollywood Boulevard. Aktori neozelandez, protagonist i filmit më të ri të tij, mbi Robin Hood-in, film që do ta hapë sivjet Festivalin e Kanës, ka pasur nderin të shohë midis yjeve në trotuarin e amshëm të Hollywood Walk of Fame (Shetitorja e Famës e Hollivudit, edhe yllin e tij, atë me numër 2404.

Protagonist i filmave si "Gladiator", Oskar më 2001 si aktori më i mirë protagonist, 'A Beautiful Mind', 'Master and Commander', 'L.A. Confidential', e ka pritur yllin e 'tij' me këto fjalë: "Për mua - ka thënë ai - është një privilegj ta marr këtë titull përpara shumë miqve dhe kolegëve të mi. Por është privilegj edhe më i madh prania e gruas sime të hatashme, Danielle, dhe e djemve të mi, Charlie dhe Tennyson."

Voal-online –Këngëtarja yll e muzikës kantri Shania Twain (Shanaja Tuejn) thotë se duke bërë reality shown në rrjetin e ri kabllor televiziv të Oprah Winfrey-t, po hedh një tjetër hap drejt përqafimit të jetës, ndërkohë që vazhdon ta marrë veten nga dhimbja e zemrës.

“Ndihem sikur po filloj gjithçka nga e para,” tha Twain (44 vjeçe), në një intervistë me Winfrey-n, në një veprimtari në Nju Jork të enjten (dje). “Kjo është një përvojë tejet vetjake, të cilën mendoj se është e rëndësishme ta ndaj me adhuruesit e mi. Kjo është një përvojë rimëkëmbjeje. Unë isha në një fundosje tejet të thellë e të errët, dhe kisha nevojë për të gjetur një mënyrë të dilja që andej. Më është dyshur t’i jap vetes forcë për t’u kthyer në jetë, për t’u kthyer në ripërjetimin e gjërave.”

Martesa 14 vjeçare e Twain-it dhe Robert “Mutt” Lange mori fund në maj 2008, për shkak të marrëdhënies së Lange me mikeshën e një kohe të gjatë të Twain-it dhe ndihmëse e saj, Marie-Anne Thiébaud. Në muajt që pasuan, tha Twain, kishte kur ku asaj asgjë nuk i ngjallte interes në këtë botë.

“Kishte momente kur unë vërtet mendoja se nuk dua askënd dhe nuk dua asgjë,” tha ajo. “Kisha dëshirë të merrja nga sytë këmbët dhe të zhdukesha ku të mos më shihte askush e të mos shihja askënd. Kjo ishte një fundosje e keqe.”

Reality show i ardhshëm i Twain, Why Not? With Shania Twain, pason jetën e saj të sapodalë nga fundosja. Titulli i saj ka të bëjë me hapin e parë që ajo hodhi drejt rimëkëmbjes.

“Një ditë dikush më tha “doni të hypni në një avion?”, tha ajo. “U ndjeva sikur nuk kisha më çfarë të humbisja, prandaj thashë “Pse jo?”. Dhe prej asaj dite ia kam bërë gjithnjë atë pyetjes vetes.”

Twain, e cila ka një djalë, Eja, 8 vjeç, dhe tani është e lidhur me ish të shoqin e Thiébaud, Frédéric, theksoi se është ende në procesin e shërimit. “Kam edhe shumë për të bërë shërimin e plotë,” tha ajo. “Nuk jam shëruar plotësoisht. Jam drejt shërimit. Nuk jam e sigurtë nëse do të ndodhë plotësisht ndonjëherë.”

Këngëtarja amerikane, 46 vjeçe, është shtruar në spital për shkak të një infeksioni në rrugët e frymëmarrjes

Voal-online –Këngëtarja amerikane Whitney Houston (Uitni Huston) është shtuar në spital në Paris për shkak të një “rinofaringiti kronik dhe të një infeksioni prejardhja e të cili nuk është identifikuar ende”.

Këtë e bëri të ditur sot enturazhi (personeli shoqërues) i saj.

Houston është 46 vjeçare dhe dje e kishte anulluar koncertin e parë evropian në Paris, në kuadrin e turneut të saj të ri në kontinentin tonë. Këtë e kishte bërë pikërisht për shkak të një “infeskioni (pezmatimi) në rrugët e frymëmarrjes.

Burimet kanë thënë se edhe koncerti i dytë, i parashikuar për të enjten (nesër) në Londër, me sa duket, do të anullohet.

Whitney Houston, këngëtare dhe aktore amerikane, u rikthye vjet tejet suksesshëm në karrierën e saj të këngëtares pas një ndërprerje të gjatë, për shkak të problemeve familjare dhe për shkak të vartësisë së saj nga vese të dëmshme të drogës dhe të alkoolit, të cilat pothuajse ia shkatërruan karrierën dhe shëndetin.

Voal-online –Nëntë muaj pasi la Hollivudin për Shtëpinë e Bardhë, aktori Kal Penn është duke u kthyer në Tinseltown për të rimarrë rolin e tij më të famshëm, të adhuruesit të marihuanës “Kumar” në serialin komik të vrazhdë “Harold and Kumar”.

Kalpen Modi – Kal Penn është emri i tij i artit – aktori 32 vjeçar ka qenë duke punuar në Shtëpinë e Bardhë të Obamës prekj korrikut të shkuar si ndihmës drejtor i angazhimit publik.

Revista "Entertainment Weekly" njoftoi në uebsajtin e saj të premten se Penn po largohej nga detyra e deritanishme për të bërë një film të ri të serialit Harold and Kumar, ky tashmë me temën e Krishtlindjes, i cili mund të xhirohet në 3-D (tri dimensione).

Penn, i cili pati bërë fushatë për Presidentin Barack Obama, mori një vend të mrekullueshëm pune në administratën e tij, pasi kishte luajtur më parë rolin kryesor në filmat "Harold & Kumar Go to White Castle" (Haroldi dhe Kumari shkojnë në Kështjellën e Bardhë) dhe "Harold and Kumar Escape from Guantanamo Bay" (Haroldi dhe Kumari arratisen nga Gjiri i Guantanamos) dhe pasi kishte luajtur një nga rolet kryesore në dramën televizive mister me temë mjekësore "House."

Seknaristët e "House" e hoqën personazhin e Penn nga episodet e mëvonshme të serialit, në mënyrë që ai të merrte punën e re në Washington, duke bërë që personazhi i tij të kryente papritur një vetëvrasje vitin e shkuar.

Një nga pak aktorët indiano-amerikanë që arrinte sukses të madh në Hollywood, Penn ka thënë se ishte frymëzuar të merrej me politikë nga gjyshërit e tij, të cilët marshuan me

Mahatma Gandhin në lëvizjen indian për pavarësi.

Voal-online –Pasi ka pësuar mbi njëqind ndërhyrje kirurgjike në 25 vitet e fundit diva e Hollywood-it ka vendosur të mos hyjë më nën bisturi.

Taylor, 78 vjeçe, vuan ndër të tjera nga një formë e rëndë e arteries së qafës e cila, vetëm në vitin 2010, e ka detyruar të shtrohet tri herë në spital.

E rënduar edhe nga osteoporoza, dobësimi i kockave, është detyruar të qëndrojë prej vitesh në karrocë vetëlëvizëse. Aktorja ka pasur gjithmonë një shëndet me probleme: një listë e gjatë sëmundjesh, midis të cilave edhe kancer dhe diabet.

Por tani Liz Taylor ka vendosur t’iu thotë mjaft spitaleve, vend ku, siç ka thënë ajo vetë, ka dhe ka hyrë dhe ka dalë më shpesh se ka hyrë dhe dalë në taksi.