SERBIA PRETENDON SE KOSOVA I KA ASAJ NJË BORXH 10 MILIARDË EUROSH!
E Mërkurë, 08.27.2014, 11:33am (GMT+1)
 Oda Ekonomike e Serbisë ka vlerësuar se borxhi që paska Kosova ndaj Serbisë kap 10 miliardë euro.
Në këtë shumë janë llogaritur edhe investimet e kompanive serbe në Kosovë para luftës, investimi nga mjetet e ish-fondeve të Serbisë dhe Jugosllavisë për zhvillim ekonomik të viseve ekonomikisht të pazhvilluara dhe pasuria e refugjatëve serbë, që u larguan pas luftës nga Kosova.
Por Oda Ekonomike e Kosovës, sipas një komunikate për media, konsideron se komentimi për zyrtarizimin e një nisme të tillë nga Beogradi nuk është i rastësishëm, pasi kjo e fundit konsideron se kjo kërkese duhet të trajtohet seriozisht dhe të analizohet nga pala kosovare, meqë nuk duhet përjashtuar mundësinë që, pas publikimit të saj në Beograd, ajo të hidhet së shpejti edhe në tryezën në Bruksel.
Oda Ekonomike e Kosovës thotë se nisma si kjo "për kompensim të dëmit dhe kërkim të borxheve nga Kosova" mund të ketë prapavijë politike për të ngarkuar agjendën e bisedimeve dhe për të zhvendosur fokusin nga çështjet prioritare të bisedimeve. Ajo shton se në nivel të administratës qendrore dhe me pjesëmarrje të të gjitha institucioneve relevante të vendit duhet të krijohet një grup punues, i cili do të kishte për detyrë përgatitjen e reagimit të palës kosovare ndaj ngritjes së çdo nisme të tillë nga ana e Serbisë (foto nga arkivi për shkatërrimet që bëri Serbia gjatë luftës në Kosovë).www.voal-online.ch
|
Comments (0)
Dërgoja shokut
Printo
