VOAL JU URON:VËLLEZËR E MOTRA NGA MOT GËZUAR KRISHTLINDJEN!
E Enjte, 12.25.2014, 08:11am (GMT+1)
  Voal-online - Të dashur
vëllezër e motra: Gëzuar Krishtlindjen! Nga mot gëzuar!
Paqja dhe harmonia, bashkimi
dhe përparimi të mbretërojnë përherë për Atdheun tonë dhe për Kombin
tonë,
për shqiptarët kudo që janë!
Le të jemi të gjithë ne
shqiptarët të bashkuar në falënderimin ndaj Zotit për gjithçka që
gëzojmë sot,
në këtë Krishtlindje që po kremtojmë, dhe ta lutim së
bashku Zotin që Krishtlindjet e ardhshme
të na gjejnë me përmbushje edhe
më të mëdha në të gjitha vatrat tona dhe për mbarë kombin tonë!
Le t'i lutemi Zotit bashkarisht në këtë Krishtlindje, pa dallim feje apo bindje politike,
që të na japë harmoni e dashuri
përherë e më të madhe për njëri-tjetrin,
duke qenë të bashkuar në përpjekjet tona për përparimin tonë të
gjithanshëm,
ne duke qenë humanë e solidarë me njëri tjetrin, do të ndihmojmë njëri-tjetrin e do të faktorizojmë kombin
si një komb humanist, tolerant që jep kontributin e tij për paqen dhe prosperitetin në rajon, Europë dhe botë.
Le t'i lutemi Zotit, këtë Krishtlindje t'i mbrojë Shqiptarët dhe qytetarët e Globit nga e liga,
nga luftrat, nga varfëria, nga korrupsioni, nga keqqeverisja, nga politikanët e korruptuar
që e mashtrojnë Sovranin!
Le t'i lutemi Zotit këtë Krishtlindje që të na e shtojë dashurinë në zemrat tona.
Të na e largojë hipokrizinë, arrogancën, egoizmin, shtirjen dhe të na e mbushë zemrën
me ngrohtësi, butësi e dhimbshuri për njëri-tjetrin.
Le t'i lutemi Zotit që të na japë paqe, mirësi e mbarësi në familjet tona,
emër për emër!
Kombi është shumësia e familjeve tona.
Bota është shumësia e shumësive!
Sepse dashuri do të thotë Zot e Zot do të thotë dashuri!
Dhe me dashuri nuk ka plagë që nuk shërohet!
AMIN
 ELIDA BUÇPAPAJ DHE SKËNDER BUÇPAPAJ
|
Comments (0)
Dërgoja shokut
Printo
