MESILA DODA FEHMI ABDIUT - JE MBETURINË POLITIKE
E Enjte, 12.25.2014, 09:35am (GMT+1)
 Deputetja demokrate, përveç rikthimit në Kuvend, ka komentuar edhe nismën për hapjen e dosjeve.
Ajo ka sulmuar ashpër Fehmi Adiun, duke e cilësuar një mbeturinë politike.
"Kam dëgjuar 2 eksponentë.
Njëri i qeverisë së vjetër dhe tjetri i qeverisë së sotme.
Veliaj ka deklaruar se drafti i sjellë përmban nuanca antikushtetuese.
Dua t'i them se nuk është ai gjykata dhe nuk duhet të marrë prerogativat e drejtësisë as ato të parlamentit. Ndaj duhet të shohë mirë si funksionon sistemi demokratik.
E fundit është për një nga mbeturinat politike të së kaluarës, siç është Fehmi Abviu.
I rikërkoj të ketë më shumë edukatë kur kontakton dhe flet me njerëzit në publik, për zonja që kanë marrë iniciativa si Ballauri dhe unë.
Mbi të gjitha të kuptojë se koha e tij ka marrë fund njëherë e përgjithmonë.
Ka bërë dëm të madh kur shpalli antikushtetues atë ligj që do të duhej ta çonte në pension prej kohësh, por Abdiu dhe Abdinjtë e tjerë nuk do të kenë vend në sistemin demokratik shqiptar në vendimmarrje.
Kjo është kërkesë e të rinjve dhe dhjetra e qindra magjistratëve që kërkojnë një sistem më të drejtë për njerëzit", ka thënë ajo.
Reagimi i saj vjen pas një interviste të ish-kryetarit të Gjykatës së Lartë.
Ai kishte thënë se zonjat që kanë inicuar hapjen e dosjeve, marrin para, duke iu referuar Dodës dhe Elsa Ballaurit.www.voal-online.ch
|
Comments (0)
Dërgoja shokut
Printo
