VOAL - Online Zëri i Shqiptarëve

Çdo ditë një temë
DORËZONI IMUNITETIN
Nga ELIDA BUÇPAPAJ

E Hënë, 07.16.2012, 09:57am (GMT1)

Duket sikur fati i shqiptarëve ka mbetur peng në dorën e një grushti njerëzish, të cilët besojnë se pushteti u jep të drejtë që të kthejnë akrepat e sahatit në të kundërt. Dhe ngjan se ia kanë arritur. Në vend që tema kryesore sot të ishte dorëzimi i imunitetit, vonesa e patolerueshme, shkaqet e kësaj vonese, të cilat të ktheheshin në fokus të diskutimeve dhe debatit publik, në faqeve të para të gazetave, duke tërhequr opinionet e elitës, në fakt kjo temë nuk ekziston askund. Sepse në multimediat e Shqipërisë në fokus vendoset kronika e zezë, e cila mjerisht në vend se të komentohet si pasojë e mungesës së drejtësisë, i vendos shqiptarët në një plan të shpërfytyruar dhe të përçudnuar, sikur të mos kishte mjaftuar gjysmë shekulli izolim dhe depersonalizim prej diktaturës më mizore të kohës.

Për shembull asnjë opinionist nuk është marrë me komentimin e deklaratës më të fundit të Ambasadorit Arvizu, i cili, pasi ka shprehur kënaqësinë për marrëveshjen për Reformën Zgjedhore, si dhe për Kodin Elektoral, që janë shumë të rëndësishme për vendin, i ka kërkuar klasës politike përmbushjen e kritereve për të marrë statusin e kandidatit të BE-së. "Ne presim heqjen e imunitetit më 6 gusht, kur dhe është planifikuar të zhvillohet seanca e votimit, për ndryshe SHBA do të zhgënjehej".

Në fakt, BE dhe SHBA kanë një kohë të gjatë duke bërë presion që klasa politike në Shqipëri të hedhë hapat e duhura në plotësimin e kritereve, ku dorëzimi i imunitetit është i detyrueshëm.

Duke kaluar arkivin, vura re një deklaratë të Ambasadorit Arvizu që mban datën 15 korrik 2011, pra që është e shqiptuar plot një vit më parë, ku që në titull lexohet se "Ambasadori Amerikan përsëriti thirrjen për heqjen e imunitetit për zyrtarët e lartë dhe gjyqtarët".Në mbyllje të programit "Sfida e Mijëvjeçarit" mbajtur korrikun e vitit 2011, në fjalën e tij midis të tjerave Ambasadori Amerikan apeloi se:"Shqipëria duhet të luftojë korrupsionin përmes kufizimit të ligjit për imunitetin e zyrtarëve, duke theksuar edhe njëherë domosdoshmërinë e kufizimit të imunitetit të zyrtarëve të lartë që akuzohen për korrupsion. Ambasadori Arvizu tha se çdo person duhet t'i nënshtrohet hetimit për korrupsion, qofshin këta edhe zyrtarë sepse zyrtarët po mbrohen nga hetimi për korrupsion me anë të imunitetit. Më tutje Ambasadori i SHBA-së ka kërkuar ndryshimin e legjislacionit shqiptar për sa i përket kufizimit të imunitetit për zyrtarët e lartë, duke konfirmuar kështu një qëndrim të hershëm të komunitetit ndërkombëtar."

Zyrtarët shqiptarë janë të vetmit në Evropë me imunitet, theksoi z.Arvizu në takimin përmbyllës të programit "Sfida e Mijëvjeçarit", mbajtur një vit më parë, duke nënvizuar se "asnjë diskutim për sistemin e drejtësisë në Shqipëri, nuk është i plotë, pa përmendur imunitetin. Shumë vende evropiane i japin role të caktuara imunitetit të kufizuar të zyrtarëve publikë, ndërsa Shqipëria qëndron e vetme në faktin që kufizon të gjitha veprimtaritë hetimore që mund të kryhen kundër gjyqtarëve dhe zyrtarëve të lartë publikë."

E përmenda faktin më sipër, për të nxjerrë në pah kohën prej një viti që ka rrjedhur, nga njëra deklaratë tek tjetra, por pa asnjë rezultat konkret, çka është një dëshmi e qartë e shkallës të lartë të komprometimit të klasës politike shqiptare,e cila arrin deri aty sa të krijojë zhurmues, që neutralizojnë shoqërinë civile dhe mediat, të cilat ngjajnë sikur nuk ekzistojnë fare, kjo për faktin se klasa politike ka arritur që të ketë kudo njerëzit e saj dhe për 20 vjet janë të njëjtit njerëz, që frymëojnë partitë, OJQ-të dhe mediat.

Sot për mediat në Shqipëri, tek OraNews në emisionin e mëngjesit ishte ftuar gazetari Xhovani Shyti i cili tregoi për mjerimin dhe gjendjen e pashpresë të gazetarisë dhe gazetarit shqiptar.

Ndërkohë, po sot Trojka e ambasadorëve, ai i SHBA-së Aleksandër Arvizu, i BE-së Ettore Sequi dhe i OSBE-së Eugen Wollfarth u takuan me kreun e opozitës Edi Rama, ndërsa në fokus të takimit ka qenë heqja e imunitetit, që i hap rrugë përmbushjes së 12 rekomandimeve të Bashkimit Europian prej klasës politike shqiptare."

Lideri i opozitës nuk gëzon imunitet, pra ai si individ ai duket në rregull, por kjo gjë nuk e çliron nga detyrimi si lider i opozitës që t'i obligojë deputetët e tij të votojnë më 6 gusht heqjen e imuniteti, që kështu zyrtarët e lartë shqiptarë ta kenë të qartë se koha e Mbretit Diell, që thoshte se "Ligji jam unë" ka perënduar një herë e mirë dhe se ata janë të barabartë me ne të gjithë të tjerët përpara ligjit. Zyrtarët e lartë të Shqipërisë ashtu si gëzojnë privilegje, duhet të përmbushin edhe detyrime, të cilat do të duhej të ishin të përmbushura me kohë,sepse nëse ata nuk duan që të shkojnë në Europë, kjo bie ndesh me vullnetin e sovranit, i cili ka 20 vjet që i kërkon klasës politike ta çojë në Europë.

Çdo ditë një temë
MIMOZA KUSARJA
Nga ELIDA BUÇPAPAJ

Çdo ditë një temë JASHTË RRUGAÇËT NGA PARLAMENTI I SHQIPËRISË
-Si mund të tolerojmë që fyhet një nënë shqiptare si « rrugaçe »
Nga ELIDA BUÇPAPAJ

In Memoriam BEKIM FEHMIU NUK KA NEVOJË PËR LOTË KROKODILËSH Nga ELIDA BUÇPAPAJ
E Martë, 06.05.2012, 07:34am

SHQIPËRISË I DUHET PRESIDENTI NË MËNYRË EKSPLICITE SIPAS PROFILIT TË JOACHIM GAUCK Nga ELIDA BUÇPAPAJ
E Enjte, 05.17.2012, 02:07pm

DY FJALË PËR TAKIMIN E MBRËMSHËM TEK OPINION RAMA-FEVZIU ME DESTINACION ILIR METËN

Nga ELIDA BUÇPAPAJ

ESSE PËR KOHËN E PAMJAFTUESHME TË HELENA KADARESË Nga ELIDA BUÇPAPAJ
E Martë, 04.10.2012, 11:14am

REPORTAZH NGA STRASBURGU - HYRJA NË NATO MË E RËNDËSISHME SE 1912?!

Nga ELIDA BUÇPAPAJ
E Enjte, 04.05.2012, 07:27am

MË 22 MARS, 20 VJET MË PARË KUR RAPORTOJA PËR ZËRIN E AMERIKËS

Nga ELIDA BUÇPAPAJ
E Shtunë, 03.24.2012, 08:03am

RASTI DEMJANJUK DHE RASTI UNIK I SHQIPËRISË

Nga ELIDA BUÇPAPAJ
E Martë, 03.20.2012, 10:09am

Larg interesave kombëtare dhe larg interesave të shqiptarëve

SHQIPËRIA ÇFARË PARANOJE, NJË VIT E CA PARA KOHE KA HYRË NË FUSHATË ZGJEDHORE