VOAL - Online Zëri i Shqiptarëve

Çdo ditë një temë

NËSE PS NUK VOTON MË 6 GUSHT, EDI RAMA BËHET Â« HARAKIRI Â»
Nga ELIDA BUÇPAPAJ
E Martë, 07.17.2012, 12:31pm (GMT1)

Pas vizitës që Trojka bëri dje në selinë e PS, ku u takua me liderin e saj, duke theksuar rëndësinë që do të ketë votimi i 6 gushtit për heqjen e e imunitetit, u prit që Ed Rama të bënte një dalje në publik ku të sqaronte pozicionin e tij. Në fakt, ai si person nuk ka gjë për të sqaruar sepse është pa imunitet, ndërsa si lider i opozitës dhe i partisë më të madhe opozitare natyrisht që ka.

Por Ed Rama nuk u shfaq dje askund dhe syri i opinionit publik pa nga ekranet e TV-ve të ndryshme reagimin e tij me gjestikulacione, pra nervoz gjatë takimit me Trojkën. Dhe në vend të tij, si kryetar i PS-së, sot shtypi i Tiranës kishte botuar një letër me 8 pika të kreut të grupit parlamentar, Gramoz Ruçi drejtuar Trojkës dhe Jozefina Topallit ku thelbi i letrës është se kërkon shtyrjen e datës për në sezonin e vjeshtës.

Pra Gramoz Ruçi kërkon kohë. Diçka që bie erë demagogji, sepse Trojka ka më tepër se një vit që i bën apel klasës politike në Shqipëri për votimin e heqjes të imunitetit të zyrtarëve të lartë dhe Gramoz Ruçi nëse do të kishte pasur vërtetë qëllime serioze, këtë letrën me 8 pika, ku parashtron pretendimet e PS, kishte boll kohë që t'i kishte ezauruar në sezonin e pranverës të vitit 2011 për shembull, apo në sezonin e vjeshtës të vitit që shkoi, sepse dorëzimi i imunitetit, duke qenë një nga 12 kërkesat që BE i kërkon Shqipërisë për integrimin e saj në BE, nuk është bërë sot, po është i hershëm.

Letra me tetë pika e Ruçit është vetëm një shprehje e kulluar e një demagogjie të pastër, që vjen nga koha kur PS nuk ishte konvertuar, pra ishte parti-shtet e një vendi totalitaro-stalinist.

Ndërsa problemi është këtu lideri i opozitës dhe kreu i PS. Sepse Trojka nuk shkoi që të takohej me Gramoz Ruçin, por me Edi Ramën. Dhe shfaqja e Gramoz Ruçit, në vend të kreut të PS, vë në diskutim të ardhmen e Edi Ramës në politikë. Dhe me këtë veprim, kur vendin e tij pas takimit me Trojkën, e zëvendësoi Gramoz Ruçi me letrën me 8 pika, mua më ngjan si një "harakiri" i liderit të opozitës. Edi Rama në mënyrë implicite thotë se këtë letër nuk e ka shkruar ai, por Gramoz Ruçi dhe ata që fshihen pas tij, por kjo gjithësesi dëshmon qartë se Edi Rama nuk ka pushtet tek krahu ekstremist i të majtës brënda partisë. Dhe letra me tetë pika tregoi se Edi Rama është de jure kryetar i PS, por de facto nuk është.

Pas 21 janarit, është herë e dytë që Edi Rama e vendos veten në një pozitë shumë të padëshirushme përballë me Trojkën, që do të thotë SHBA dhe BE, dy aleatët kryesorë të Shqipërisë, në sajë të të cilëve Shqipëria sot është vend anëtar i NATO-s dhe shqiptarët sot lëvizin të lirë në Europë.

Ndërkohë, që është e qartë se ata që nuk duan votimin për heqjen e imunitetit kanë frikë nga drejtësia, por ky fakt nuk mund të justifikojë që fati i Shqipërisë të mbetet peng në duart e një grushti njerëzish të korruptuar, përkundrazi është kambanë alarmi.

Por në pozitë të vështirë nuk bie vetëm Ed Rama, por i gjithë grupi i PS në Parlamentin e Shqipërisë, i cili nuk mund të kthehet në një grup-buratino në duart e Gramoz Ruçit. Dorëzimi i imunitetit në fakt, do të ishte më së shumti në shërbim të akuzave për korrupsion që e majta ngre kundër maxhorancës qeverisëse. Pra, grupi i PS duhej memzi të priste 6 gushtin.

Në përfundim, nëse më 6 gusht, Ed Rama nuk do të arrijë të ushtrojë ndikimin e tij tek të paktën ajo pjesë e deputetëve të PS-së, të cilët karierën në politikë ia dedikojnë atij personalisht, kjo do të thotë, pa u marrë me presupozime, se atëherë ajo që mbetet të thuhet është se Ed Ramës i mbetet të largohet si një lider që nuk ka ndikim as tek PS dhe as nuk ndërton dialog serioz me Perëndimin duke mbetur në varësinë e Gramoz Ruçit, i cili po ashtu, nga ana e tij është në korrelacion vartësie. Ky përfundim është deduksion logjik.

Çdo ditë një temë
DORËZONI IMUNITETIN
Nga ELIDA BUÇPAPAJ

E Hënë, 07.16.2012, 09:57am

Çdo ditë një temë
MIMOZA KUSARJA
Nga ELIDA BUÇPAPAJ

Çdo ditë një temë JASHTË RRUGAÇËT NGA PARLAMENTI I SHQIPËRISË
-Si mund të tolerojmë që fyhet një nënë shqiptare si « rrugaçe »
Nga ELIDA BUÇPAPAJ

In Memoriam BEKIM FEHMIU NUK KA NEVOJË PËR LOTË KROKODILËSH Nga ELIDA BUÇPAPAJ
E Martë, 06.05.2012, 07:34am

SHQIPËRISË I DUHET PRESIDENTI NË MËNYRË EKSPLICITE SIPAS PROFILIT TË JOACHIM GAUCK Nga ELIDA BUÇPAPAJ
E Enjte, 05.17.2012, 02:07pm

DY FJALË PËR TAKIMIN E MBRËMSHËM TEK OPINION RAMA-FEVZIU ME DESTINACION ILIR METËN

Nga ELIDA BUÇPAPAJ

ESSE PËR KOHËN E PAMJAFTUESHME TË HELENA KADARESË Nga ELIDA BUÇPAPAJ
E Martë, 04.10.2012, 11:14am

REPORTAZH NGA STRASBURGU - HYRJA NË NATO MË E RËNDËSISHME SE 1912?!

Nga ELIDA BUÇPAPAJ
E Enjte, 04.05.2012, 07:27am

MË 22 MARS, 20 VJET MË PARË KUR RAPORTOJA PËR ZËRIN E AMERIKËS

Nga ELIDA BUÇPAPAJ
E Shtunë, 03.24.2012, 08:03am

RASTI DEMJANJUK DHE RASTI UNIK I SHQIPËRISË

Nga ELIDA BUÇPAPAJ
E Martë, 03.20.2012, 10:09am

Larg interesave kombëtare dhe larg interesave të shqiptarëve

SHQIPËRIA ÇFARË PARANOJE, NJË VIT E CA PARA KOHE KA HYRË NË FUSHATË ZGJEDHORE