VOAL - Online Zëri i Shqiptarëve

BERATI, QYTETI I ONUFRIT E KODIKËVE PO RILIND ME UNIVERSITETIN E RI
Nga ELIDA BUÇPAPAJ

E Djelë, 09.16.2012, 11:06am (GMT1)

Në Berat, qytetin e bardhë të 1000 dritareve, qytetin antik që shtrihet buzë Tomorrit e Shpiragut, të lashtë me më tepër se 2000 vite histori, u bë inagurimi i Universitetit të ri.Kjo përbën ngjarjen më të madhe për qytetin këta 100 vjet dhe po ashtu përbën një ngjarje të madhe në jetën e vendit. Një Universitet vlen sa 1 milion Kazino, si ajo që po ndërtohet në periferi të Tiranës, që presupozohet se do të bjerrë mendjen dhe xhepat e shqiptarëve ende të varfër, ndërsa një Universitet është si një Hidrocentral gjigant që përhap dritë, sepse prej dijes buron drita e përparimi, si e kemi amanet prej rilindasve se "veç dritë e diturisë përpara do të na shpjerë".

Ndërtesa e Universitatit është madhështore, e hatashme, me një arkitekturë që të kujton Kapitol Hillin dhe Shtëpinë e Bardhë, është ngritur me iniciativën e biznesmenit shqiptar Astrit Veliaj, duke i kthyer qytetit antik të Beratit rëndësinë që mund të ketë një qytet i lashtë me rreth 2700 vjet ekzistencë, histori dhe kulturë, si qytet i Kodikëve dhe Onufrit, e kuqja e të cilit është më e bukur se e kuqja e Ticianit të Rilindjes italiane.

Ndërsa isha lodhur nga monotonia plogështuese e televizioneve të Tiranës, që ngjajnë si avaze me një mision shumë çoroditës për qytetarët, ku në qendër të tyre është e vendosur politika, make-up-i politikës, pra manipulimi i fytyrës së vërtetë përmes makiazhit, papritmas u gjenda përballë një ndërtese madhështore, dhe pyeta veten "Zot i madh ku jemi këtu"?

Këtë sensacion më krijoi përballja me Universitetin e ri të Beratit, mrekullues, që më bëri të kujtoja për një çast se isha në zemrën e Europës apo Amerikës, se kisha të bëja me një sivëlla të Harwardit apo Oksfordit, dhe uroj me shpirt që një ditë ashtu të bëhet, ku në këtë Universitet të vijnë e të japin mësim profesorët më të famshëm të botës dhe prej bankave të këtij universitetit të dalin elita jo vetëm për vendin dhe këtu të vijnë e të studiojnë studentët më të mirë nga e gjithë bota që shqiptarët të shkojnë tek thelbi i tyre.

A nuk është domethënës deklarimi i Ministrit të Jashtëm të Turqisë, Ahmet Davutoglu, në një intervistë të ditëve të fundit për revistën Shenja, ku midis të tjerave nënvizonte faktin se "Populli shqiptar ka dhënë kontribute shumë të rëndësishme në jetën administrative, kulturore dhe sociale turko-osmane. Në historinë tonë të përbashkët kanë lënë gjurmë qeveritarë, ushtarakë, njerëz të letrave, intelektualë dhe artistë shumë të vyer me origjinë shqiptare. Në Perandorinë Osmane ka pasur 28 sadrezamë (kryeministra) dhe 36 vezirë (ministra) me origjinë shqiptare. Mehmet Akifi, autori i himnit tonë kombëtar, si dhe Sami Frashëri, autori i fjalorit të parë turk, që në të njëjtën kohë konsiderohet një nga njerëzit më të shquar të letrave në Shqipëri, janë të dy me origjinë shqiptare", thotë Davutoglu.

Le t'i kthehemi historisë së SHBA. Amerika me një histori jo më shumë se 236 vjeçare ka universitetet më të famshme të botës, duke mbledhur elitat dhe duke shpërndarë elitat. Kjo është arsyeja që Amerika është Amerikë, sepse Baballarët e saj i kushtuan rëndësi të dorës së parë dijes dhe shkollimit. Thomas Jefferson, njëri prej themeluesave të saj kryesorë, në mos më kryesori, autori kryesor i Deklaratës së Pavarësisë, presidenti i tretë i SHBA për dy mandate, njihet si themeluesi i Universitetit të Virxhinias, të cilin pastaj do ta ndiqnin njerëz që do të bëheshin të famshëm si Edgar Allan Poe , Woodrow Wilson , Robert and Ted Kennedy e me rradhë.

Kur ishte në momentet e fundit të jetës, Jefferson i mblodhi njerëzit e tij më të afërt për rreth dhe u tha: "Kam dhënë gjithçka për vendin tim dhe njerëzimin dhe ka ardhur koha që t'i dorëzoj shpirtin Zotit tim, - vajzës time dhe vendit tim" Dhe pasi ra rishtas në gjumin e fundit, rreth ores tetë të mbrëmjes çohet edhe një herë për herë të fundit dhe shqipton fjalët e tij të fundit të cilat janë: "Është katër ende?" E kishte fjalën për 4 korrikun, ditën e pavarësisë, dhe mjeku i përgjigjet, "Do të jetë së shpejti". E Thomas Jefferson i mbylli sytë në agimin e 4 Korrikut,në pesëdhjetëvjetorin e Deklaratës së Pavarësisë, disa orë më herët nga Ati tjetër i kombit amerikan, Presidenti John Adams,bashkëluftëtari i tij, fjalët e fundit të të cilit ishin "Independence forever" and "Thomas Jefferson survives." "Pavarësi përgjthmonë" dhe "Thomas Jefferson mbijetoi". Në fakt Jeffersoni nuk kishte mbijetuar, sepse shpirti i tij kishte dalë disa orë më parë se ai John Adams-it, por ai mbijetoi me veprën e tij. Si gjigant që ishte, kishte menduar edhe për epitafin që do të vendosej në gurin e tij të varrit, të cilin Jefferson e shkrojti vetë. Dhe sot kush shkon dhe e viziton atje ku i prehen eshtrat, do të lexojë: "Këtu prehet Thomas Jefferson, Autori i Deklaratës të Pavarësisë të Amerikës nga Shteti i Virxhinias për Lirinë Fetare dhe Babai i Universitetit të Virxhinias."

Thomas Jefferson kishte shërbyer si Sekretar i parë i Shtetit i SHBA nën presidencën e George Washington-it, kishte shërbyer nënpresident i SHBA nën presidencën e John Adams dhe pastaj kishte shërbyer vetë si presidenti i tretë i SHBA për dy mandate, por ai në epitafin e tij zgjodhi të shkruante asnjërën nga postet politike e shtetërore që kishte mbajtur. Ai zgjodhi të shkruante, çfarë pa si më të rëndësishme, se ishte njëri prej autorëve të Deklaratës të Pavarësisë, se qe për lirinë fetare dhe se ishte babai i Universitetit të Virxhinias.

Nëse e shohim sot situatën konfliktuale, në rrang global, do të shohim se në themel të tyre është mostoleranca dhe keqkuptimet fetare dhe nuk kemi si të mos kujtojmë Thomas Jeffersonin.

Thomas Jeffersonin e kujtojmë edhe në rrang krahasues, nga njëra anë, për të parë formatin e liderit dhe babait të vendit më demokratik të botës, ku ai vetëm i dha vendit të tij, dhe nga ana tjetër, për të konstatuar formatin e ulët të klasës politike shqiptare, ku synimi i tyre këta 22 vjet postdiktaturë, ka qenë që ta zhvatin e ta rrjepin vendin, pa marrë parasysh se sa i cfilitur dhe i rropatur është prej gjysmë shekulli regjimi totalitarist plus 22 vjet tranzicioni torturues.

Thomas Jeferssonin e kujtojmë edhe si babai i Universitetit të Virxhinias, si një lideri vizionar, i përmasave botërore, që i la Amerikës dhe mbarë botës si testament, se njerëzimi shpëton dhe bëhet vetëm duke qenë i lirë, falë ushtrimit të lirë të fesë dhe prej dijes! Sepse dija të bën të lirë dhe tolerant, ndërsa mosdija të bën rob të mendjeve të çartura dhe intolerancës.

Ja të gjitha këto më shkuan ndërmend, kur u gjenda përballë mrekullisë të Universitetit të ri të Beratit dhe me mendjen time, eca vite përpara në ardhmëri, duke e përfytyruar rilindjen e qytetit antik nën hijen madhështore dhe bekimin që i jep Mali i Tomorrit dhe Shpiragu.

Nuk kam si të mos falenderoj babain e tij, Astrit Veliajn, në këtë ndërmarrje të madhe dhe shpresoj se biznesi i ndershëm shqiptar të ndërmarrë sa më shumë iniciativa të tilla, sepse kapitalizmi është frut i ekonomisë të lirë të tregut, dhe deri më tani sistemi më i përparuar shoqëror, i cili mbështetet në parimet e lirisë dhe demokracisë.

Një gjë më bëri shumë përshtypje të madhe, në antitezë të plotë me mrekullinë e Universitetit, pra si një zhgënjim i rradhës: Indiferenca mediatike me të cilën u shoqërua kjo ngjarje e madhe, ku përveç Abcnews, aty nuk kishte media dhe gazetarë.

Sot kërkoja foto që të ilustronim ngjarjen dhe nuk gjenim kurrsesi, ku do të duhej që një ndërtesë e tillë me destinacion të tillë të përbënte Foton e Ditës dhe Lajmin e Ditës, por shtypi dhe TV e Tiranës as që nuk duan që t'ia dinë dhe vazhdojnë në rutinën e tyre duke i thurur hym e ngritur piedestal banalitetit, ku në qendër të vëmendjes mbajnë politikanët, kronikën e zezë dhe kronikën rozë! Një paralelizëm shumë kuptimplotë, paçka se shprehje e mjerimit të madh!

ZVICRA FITOI ME SHQIPTARË, POR SHQIPTARËT ISHIN FITIMTARË NË ZVICËR!
Nga ELIDA BUÇPAPAJ

AMBASADORI REEKER E LË NË FUND EDI RAMËN DUKE I DHËNË MESAZHE TË QARTA POLITIKËS - OSE KRYENI REFORMAT, OSE IKNI!
Reeker takohet me kryetarin e bashkisë së Kasharit përpara se me liderin e opozitës Rama
Nga ELIDA BUÇPAPAJ<
E Djelë, 09.09.2012, 02:10pm

REPLIKË ME TË GJITHË ATA QË I KONSIDEROJNË LIDERËT SHQIPTARË TË PAGABUESHËM!
Nga ELIDA BUÇPAPAJ
E Premte, 08.17.2012, 09:41am

VIKTIMAT E KOMUNIZMIT, MBETUR PA VARR E DREJTËSI, AKUZOJNË KLASËN POLITIKE SHQIPTARE
Nga ELIDA BUÇPAPAJ
E Mërkurë, 08.15.2012, 09:26am

SHKARKIMI I SHEFIT TË SHISH VEPRIM AUTODESTRUKTIV I SHEFIT TË EKZEKUTIVIT TË SHQIPËRISË
Nga ELIDA BUÇPAPAJ

E Premte, 08.10.2012, 10:16am

KA ARDHUR KOHA TË NDËSHKOHET KJO KLASË POLITIKE MIZERABËL!
Nga ELIDA BUÇPAPAJ
E Martë, 08.07.2012, 11:20am

PO NUK VOTUAN MË 6 GUSHT, ED RAMA « OUTSIDER »- PS DEL NË PENSION
Nga ELIDA BUÇPAPAJ
E Shtunë, 08.04.2012, 10:08am

MISTER, HESHTJE E PLOT PIKËPYETJE PËR VDEKJEN TRAGJIKE TË ALI PODRIMJES - SALI BERISHA DO TË DUHEJ TË ISHTE NË KONTAKT PREJ TË MARTËS ME PRESIDENTIN HOLLANDE Nga ELIDA BUÇPAPAJ
E Djelë, 07.22.2012, 10:56am

Çdo ditë një temë NËSE PS NUK VOTON MË 6 GUSHT, EDI RAMA BËHET « HARAKIRI » Nga ELIDA BUÇPAPAJ
E Martë, 07.17.2012, 12:31pm

Çdo ditë një temë
DORËZONI IMUNITETIN
Nga ELIDA BUÇPAPAJ

E Hënë, 07.16.2012, 09:57am

Çdo ditë një temë
MIMOZA KUSARJA
Nga ELIDA BUÇPAPAJ

Çdo ditë një temë JASHTË RRUGAÇËT NGA PARLAMENTI I SHQIPËRISË
-Si mund të tolerojmë që fyhet një nënë shqiptare si « rrugaçe »
Nga ELIDA BUÇPAPAJ