VOAL - Online Zëri i Shqiptarëve

E PATOLERUESHME ARROGANCA E SHUMICËS NDAJ KËRKESAVE TË SHBA E BE PËR DIALOG!
Nga ELIDA BUÇPAPAJ

E Enjte, 10.18.2012, 11:08am (GMT1)

Po e nis këtë opinion duke u kthyer në retrospektivë kur, pas ngjarjeve të hidhura të 21 janarit, mediat pranë opozitës patën një reagim shumë agresiv ndaj Ambasadorit të SHBA, duke arritur deri atje sa të ndërmerrnin qëndrime raciste dhe ta akuzonin se "mbështet Sali Berishën!". Reagimi i tij dhe i Departamentit Amerikan të Shtetit ishte i qartë dhe eksplicit se qëndrimi i përfaqësuesit më të lartë të SHBA në Tiranë ishte i paanshëm dhe konform qëndrimit zyrtar të shtetit Amerikan e në të mirë të interesave të të gjithë shqiptarëve, pa dallime partiake. Duhet nënvizuar se në ato momente shumë kritike, qëndrimi Amerikan i përfaqësuar nga Ambasadori Arvizu ishte shumë i domosdoshëm për të ndalur përshkallëzimin e ngjarjeve sipas modelit të vendeve që i përfshiu Pranvera Arabe, sepse në fund të fundit, Shqipëria jo më kot është një vend anëtar i NATO-s.

Le të vijmë tek 27 ditët dramatike të grevës të urisë, bërë nga një grup ish- të burgosurish. Që në ditët e para të saj, kemi parë dhe dëgjuar Faktorin Ndërkombëtar jo vetëm të vizitonte grevistët, por edhe t'iu kërkonte maxhorancës, insitucioneve legjitime të shtetit të së drejtës që të komunikojnë me grevistët, që të ndërtojnë ura me këta njerëz, të cilët përfaqësojnë një shtresë të persekutuar gjatë diktaturës dhe të nëpërkëmbur nga klasa politike gjatë këtyre 22 viteve.

Situata ka precipituar dramatikisht për këta njerëz të cilët janë refuzuar nga përfaqësuesit e shtetit, qytetarë të të cilit ata janë. Takimi tek presidenti, i inicuar nga Faktori Ndërkombëtar, ishte flluskë sapuni, sepse Nishani doli nga roli i tij unifikues si president i gjithë shqiptarëve. Asnjë përfaqësues i lartë i shtetit nuk mori parasysh se dy përfaqësues të grevës i vunë vetes flakën, një akt vetflijimi, duke rrezikuar seriozisht jetën, ndërkohë që me shpalljen e vendimit të gjykatës për shpërndarjen e grevës, grevistët kanë deklaruar se janë gati të hedhin shortin e vdekjes, duke insistuar ndërkohë që të dialogojnë me shtetin. Por lutjet e tyre për negociata dhe bisedime vazhdojnë të ndiqen me shërdhëri dhe verbëri të plotë. Në vend të dialogut ka nisur një fushatë e trishtë kundër këtyre njerëzve, duke i akuzuar si trafikantë prostitutash dhe si njerëz pa integritet moral, akuza këto që nuk ua heqin këtyre njerëzve vuajtjet e përjetuara si të burgosur politikë të regjimit totalitarist, ndërsa kutërbojnë stalinizëm dhe luftë klasash.

Problemi i madh është se maxhoranca po demonstron arrogancë edhe ndaj lutjeve e kërkesave të Faktori Ndërkombëtar, duke filluar prej Ambasadorit Arvizu dhe atij të BE-së, të cilët kërkojnë që institucionet legjitime të ardhura në pushtet nga vota e sovranit të kontaktojnë me grevistët. "Nevojtet dialogu midis palëve" ka thënë Ettore Sequi, Ambasadori i BE-së në Tiranë, i cili i ka vizituar disa herë grevistët e urisë. "Ndërtoni ura komunikimi", ka thënë Ambasadori Arvizu. Ndërsa në intervistën tek ABCNEWS midis të tjerave Arvizu tha se "tek klasa politike e Shqipërisë ka parë komunikuesit më të këqinj, dhe duke shtuar më tutje se "në një shoqëri demokratike, një prej detyrimeve është që duhet të qeverisësh, të marrësh vendimet e vështira, të bësh dialog, e ke detyrim; je zgjedhur për këtë. Nëse vihesh kaq shumë në siklet, atëhere hiq dorë nga pozicioni që mban, atëherë ik, lëre ta bëjë dikush tjetër".

Por përsëri askush nuk dëgjon midis rradhëve të maxhorancës, tash e 27 ditë. Nuk po i dëgjojnë as ministrat e shumicës, as deputetët e shumicës dhe askush nga shumica, duke dëshmuar se janë kaq shumë të pandarë pas kolltukut, fatin e të cilit e lidhin në bindjen e tyre të verbër ndaj njëshit. Dhe kjo histori mjerane do të vazhdojë deri sa votimi do të bëhet me lista të përpiluara nga kryetarët e partive, duke shmangur garën e lirë midis individëve, duke lejuar që deputetët e parlamentit të Shqipërisë të jenë skllevër të skllavopronarit dhe jo shërbëtorë të sovranit!

Ata i shmangen detyrimit të tyre kushtetues, sepse Shqipëria sot nuk është një vend i izoluar në zemër të Europës, ku për fatin e saj vendoste diktatori Hoxha, që priste koka dhe burgoste shqiptarë. Pasi sot Shqipëria është shtet i integruar në NATO dhe që pret të integrohet edhe në BE, çka nënkupton një bashkëpunim të ngushtë me SHBA dhe BE, përfaqësuesit e këtyre vendeve në Tiranë kanë më tepër se tri javë që kërkojnë dialog, komunikim, shprehje të qendrimeve humaniste ndaj njerëzve që kanë vuajtur shumë gjatë diktaturës, por që kanë mbetur të margjinalizuar edhe gjatë tranzicionit dhe tani janë të lodhur, të cfilitur, të dërrmuar, të djegur dhe pa shpresë tek ajo forcë politike të cilës ata ia dhanë votën për 22 vjet rresht.

Dua ta nënvizoj qëndrimin aspak korrekt të maxhorancës jo vetëm ndaj grevistëve, por edhe ndaj aleatëve tanë perëndimorë, për një kërkesë që është shumë e lehtë për t'u përmbushur. Le të kujtojmë se si Nënë Tereza u qëndronte pranë leprozëve, ndërsa klasa politike e Shqipërisë e majmur nga luksi mbyll sytë dhe bën sikur në mes të Tiranës nuk është duke ndodhur asgjë. Turp!

Ky qëndrim aspak korrekt i maxhorancës ndaj kërkesave të SHBA dhe BE-së është i patolerueshëm, sepse ata janë zgjedhur nga Sovrani të përmbushin detyrimet si ndaj qytetarëve të thjeshtë, ashtu edhe ndaj interesave kombëtare të vendit, ku SHBA janë aleat jetik i Shqiptarëve!

Ky qëndrim arrogant dhe indiferent do të ketë një çmim për këtë maxhorancë, por problemi është se ky qëndrim arrogant rrezikon jo vetëm jetën e këtyre njerëzve, por krijon një situatë konfliktuale, shumë të acaruar në kohën kur Shqipërisë i duhet të demonstrojë se është një shtet demokratik sipas standarteve perëndimore, me politikanë dhe institucione të përgjegjshme.

ME PËRKUSHTIM, DY MIQVE TANË, AKADEMIK MARK KRASNIQIT DHE HUMANISTES RITA SALIU
Nga ELIDA BUÇPAPAJ
E Djelë, 10.14.2012, 09:33am

200 VJET BURG 22 VJET TRANZICION, TË PASHPËRBLYER, TË PAREHABILITUAR DHE TË MARGJINALIZUAR
Nga ELIDA BUÇPAPAJ
E Mërkurë, 10.10.2012, 09:18am
PRESIDENTJA JAHJAGA TA LARGOJË RAMUSH TAHIRIN NGA STAFI I SAJ PAS DEKLARATËS SKANDALOZE TË KËTIJ TË FUNDIT SE STRUKTURAT PARALELE JANË LEGJITIME!
Nga ELIDA BUÇPAPAJ
E Shtunë, 10.06.2012, 12:45pm

HESHTJA KRIMINALE E SHTYPIT DHE MEDIAVE TË TIRANËS NDAJ GREVISTËVE MOS HARRONI SE INDIFERNCA VRET!
Nga ELIDA BUÇPAPAJ
E Mërkurë, 10.03.2012, 09:25am
BERATI, QYTETI I ONUFRIT E KODIKËVE PO RILIND ME UNIVERSITETIN E RINga ELIDA BUÇPAPAJ

ZVICRA FITOI ME SHQIPTARË, POR SHQIPTARËT ISHIN FITIMTARË NË ZVICËR!
Nga ELIDA BUÇPAPAJ

AMBASADORI REEKER E LË NË FUND EDI RAMËN DUKE I DHËNË MESAZHE TË QARTA POLITIKËS - OSE KRYENI REFORMAT, OSE IKNI!
Reeker takohet me kryetarin e bashkisë së Kasharit përpara se me liderin e opozitës Rama
Nga ELIDA BUÇPAPAJ<
E Djelë, 09.09.2012, 02:10pm

REPLIKË ME TË GJITHË ATA QË I KONSIDEROJNË LIDERËT SHQIPTARË TË PAGABUESHËM!
Nga ELIDA BUÇPAPAJ
E Premte, 08.17.2012, 09:41am

VIKTIMAT E KOMUNIZMIT, MBETUR PA VARR E DREJTËSI, AKUZOJNË KLASËN POLITIKE SHQIPTARE
Nga ELIDA BUÇPAPAJ
E Mërkurë, 08.15.2012, 09:26am

SHKARKIMI I SHEFIT TË SHISH VEPRIM AUTODESTRUKTIV I SHEFIT TË EKZEKUTIVIT TË SHQIPËRISË
Nga ELIDA BUÇPAPAJ

E Premte, 08.10.2012, 10:16am

KA ARDHUR KOHA TË NDËSHKOHET KJO KLASË POLITIKE MIZERABËL!
Nga ELIDA BUÇPAPAJ
E Martë, 08.07.2012, 11:20am

PO NUK VOTUAN MË 6 GUSHT, ED RAMA « OUTSIDER »- PS DEL NË PENSION
Nga ELIDA BUÇPAPAJ
E Shtunë, 08.04.2012, 10:08am

MISTER, HESHTJE E PLOT PIKËPYETJE PËR VDEKJEN TRAGJIKE TË ALI PODRIMJES - SALI BERISHA DO TË DUHEJ TË ISHTE NË KONTAKT PREJ TË MARTËS ME PRESIDENTIN HOLLANDE Nga ELIDA BUÇPAPAJ
E Djelë, 07.22.2012, 10:56am

Çdo ditë një temë NËSE PS NUK VOTON MË 6 GUSHT, EDI RAMA BËHET « HARAKIRI » Nga ELIDA BUÇPAPAJ
E Martë, 07.17.2012, 12:31pm