VOAL - Online Zëri i Shqiptarëve - Në ekspozitë Xhon Lenoni sekret

John Lennon

Voal-online ANSA bën të ditur nga Londra se një John Lennon sekret, me jetën e tij personale, familjen dhe gjithçka që nuk bënte pjesë në imazhin publik të Beatles mund të shpaloset më 17 qershor në Beatles Story Museum të Liverpulit, një muzÃ¨ i cili iu kushtohet tërësisht The Fab Four, Katër Përrallorëve dhe jetës e veprës së tyre artistike. Ekspozita, në të cilën do të ekspozohen objekte dhe dokumente të paparë deri tani nga publiku do të kenë dy përkujdesës të jashtëzakonshëm, Julian Lennon, djali i madh i këngëtarit, dhe Cynthia, gruaja e tij e parë.

Të dy, respektivisht tani 46 e 69 vjeç, kanë ofruar për ekspozitën White Feather: The Spirit of Lennon (Pupla e bardhë: Shpirti i Lenonit ) dhe shumë foto të papara kurrë të John, përveç shumë objekteve nga jeta familjare. Kjo veprimtari, thonë ata, do të jetë një "zhytje në jetën familjare" të autorit të këngës Imagine, prej kur ishte shumë i ri, deri në suksesin e madh planetar. Në pajtim me modelin e muzeut Beatles Story, që lejon të lëvizësh në mënyrë kronologjike në historinë e Beatles, White Feather ndjek hap pas hapi jetën e Lennon: fillohet nga rajoni i Liverpool, Merseyside, ku John e Cynthia u rritën dhe i njohën në Liverpool College of Art në fund të viteve 1950. Pastaj është historia e dashurosë, martesa bërë në mënyrë klandestine, lindja e Julian në vitin1963, ndërkohë që po shpërthene në përmasa botërore Beatlemania. E natyrisht ka edhe materialin që tregon historinë e lindjes dhe rritjes së pandalshme të kuartetit i cili do të ndryshonte muzikën dhe zakonet botërore. Vizitoi do të kalojë edhe nëpër fundin e raportit mes John e Cynthia, me divorcin e arritur më 1968. "John Lennon është një idhull për miliona veta në gjithë botën që janë rritur duke e adhuruar muzikën e tij dhe idealet e tij - thotë Julian, i cili prej vitesh është dalluar si muzikan i suksesshëm Por për mua është babai im që e kam dashur dhe e kam humbur." Titulli i ekspozitës, Pupla e Bardhë, ka të bëjë me një gjë që John ia thoshte Julianit kur ishte fëmijë: "Më thoshte, po të vdes, do të gjej një mënyrë që ti të kesh një pupël të bardhë, për ta ditur që jam mirë". Para dhjetë vjetësh një grup aborigjenësh (vendësish) ia dhuruan një pupël të bardhë Julianit, i cili ishte në turnÃ¨ në Australi, çka e shtyu atë të krijonte fondacionin bamirës White Feather, që ka synim ambjentaliste dhe humanitare. "Pupla e bardhë është shumë e rëndësishme për jetën time shpjegon më tej Julian Është diçka që për mua ka përfaqësuar gjithmonë paqen."