Voal-online Numri i sotëm i gazetës Basler Zeitung hapej me fjalinë "FC Basel: Kundër Lucernës (Ora 19:45) është një fitore e detyruar. Trysnia e adhuruesve të kampionëve në fuqi të Zvicrës sa vjen e rritet ndërsa kampionati i afrohet fundit, për më tepër që ndeshja e sontme është e parafundit që luhet në stadiumin Sant Jacob të Bazelit për këtë stinor futbollistik. Pas rezultatit të mjerë përballë Araut (1 :3) dhe rezultateve të dobëta përballë Sionit (2:2) dhe Belinconës (1:1), FC Basel zbret në fushën e blertë vetëm për fitore. Traineri Christian Gross ka qenë gjithë këtë kohë në vorbullën e kritikave mediatike. Prandaj, kur FC Zyrih është gjithnjë e më i vendosur për fitoren e këtij kampionati, FC Basel nuk mund të mendojë tjetër veçse për fitoren. Për më tepër kur dihet se rivalja më e afërt e bazelasve, skuadra e Zyrihut, me dy fitore rresht mund të festojë fitoren e kampionatit para kohe. Gross, shkruan Basler Zeitung, është i vetëdijshëm se çfarë përmban atmosfera e kësaj ndeshjeje, prandaj e kupton edhe situatën e vështirë në të cilën ndodhet dhe është i vendosur me skuadrën e tij të jetë përsëri kampion i Zvicrës.