Majlinda Kelmendi ka fituar medaljen e artë në Larisa të Greqisë
E Martë, 06.16.2009, 05:03pm (GMT+1)

Xhudistja e Kosovës, Majlinda Kelmendi, ka shkëlqyer në Larisa të Greqisë, ku u mbaj Kampionati Ballkanik për junior, garë kjo e cila është Kampionat zyrtar i Ballkanit.
Majlinda shënoi tri fitore, të gjitha me pikë maksimale me ippon dhe të gjitha luftërtat i përfundojë për vetëm 1 minutë e gjysmë. Në këtë mënyrë Majlinda tregoi se është xhudistja më e mirë në Ballkan. Në xhiron e parë për vetëm 20 sekonda mundi rumunen Ioana Brate. Pas saj në gjysmëfinale u ndesh me garuesen e Serbisë, Masha Smiljkoviq, të cilën e hodhi dy herë për 30 sekonda. Ndërkohë në finale ajo e mposhti bullgaren, Iliana Vaseva që në fillim të luftës. Kjo është medalja e parë në Kampionatin zyrtar ballkanik për Majlindën, kurse kjo garë ishte test para Lojërave Mesdhetare, që mbahen në Peskara prej 28 qershor deri më 7 korrik.
www.voal-online.ch
|