Brazili e ka qarë me lot këtë Botëror.

Si shihet edhe nga fotoja që po i sjellim lexuesit.

Dhe si i kemi parë edhe ne vetë nga ekranet gjigandë të stadiumeve.

Ka qarë për fitoret në fije të perit.

Që kanë qenë gati si humbje në fije të perit.

Për fitoret e diskutuara. Aspak të bukura si të kohës të futbollit brazilian.

Me emra të famshëm si

Pele, Ronaldo, Ronaldinho, Kaka, Zico...

I cili duket sikur nuk ekziston më.

Por që sigurisht do të ringjallet

pasi ekziston një popull

që jeton gjithë kohën me ekstazën e fitoreve të futbollit

brazilian që ka bërë histori dhe ka hyrë në legjendë.

Prandaj nuk i ka rreshtur lotët Brazili.

Ka qarë për Neymarin e dëmtuar dhe larguar nga Botërori.

Ka qarë i madh dhe i vogël.

Si ajo vogëlushja që bëri xhiron e botës

dule lotuar.

Ka qarë në fund edhe për humbjen me Gjermaninë,

e cila për nga rezultati ka hyrë në Guiness,

një humbje që brazilianët nuk do t'ja falin

kurrë vetes së tyre,

prandaj e qajnë me lot...

ne nuk po i sjellim lotët e Brazilit këtu

në mënyrë cinike - por si diçka që u ndodh

edhe skuadrave të mëdha

është njerëzore të qash

të qash dhe të mos të bëhesh i paharruar

për botën

dhe për Brazilin - brez pas brezash

lotë që nuk do të harrohen kurrë ndonjëherë

............

Në botërorin e ardhshëm

urojmë që Brazili të qajë prapë

popull i ndjeshëm që qan lehtë

është bukur të qash -

por kësaj here me lot gëzimi

dhe në tingujt e sambave dhe balalaikave/EB