Njëri nga skandalet më të mëdha, që daton nga koha e lulëzimit të privatizimit,
pas rënies së komunizmit në Evropën Qendrore, ka arritur dje para një gjykate
në Zvicër, disa vite pas dyshimeve për pastrim të parave, që ka shkaktuar
bllokimin e afro 500 milionë eurove.
Prokurotë e Zvicrës thonë se gjajshtë të akuzuar, pesë shtetas çekë dhe një
belg, kanë bërë konspiracion për ta fituar kontrollin ndaj minierës më të madhe
në Çeki, MUS, që tash quhet Czech Coal, ndërmjet viteve 1997 dhe 2003.
Të akuzuarit thonë se nuk kanë bërë asgjë ilegale.
Hetimet e përsëritura në Çeki, lidhur me këtë rast, me involvimin e disa
investitorëve të njohur çekë, nuk dhanë kurrfarë rezultatesh. Kjo gjë i kishte
shqetësuar autoritetet e Zvicrës dhe i kishte nxitur kritikët të sugjerojnë për
pamundësi ose anësim të palës çeke për të vepruar.
Prokurorët zviceranë thonë se të akuzuarit i kishin përdorë paratë e vetë
kompanisë MUS, për ta blerë gjysmën e aksioneve të saj, raporton agjencia
Reuters.
Comments (0)
Dërgoja shokut
Printo
