FINANCAT - BRUKSELI DËSHIRON TË BISEDOJË ME BERNËN
Dritë jeshile Komisionit Evropian për bisedime të reja
E Martë, 05.14.2013, 05:57pm (GMT+1)
Voal-online - Sot hapet zyrtarisht fronti i ri fiskal me Bashkimin Evropian:
njëzëri ministrat e ekonomisë dhe të financave të BE kanë vendosur t'ia besojnë
Komisionit Evropian një mandat të bisedimeve me Zvicrën dhe vende të tjera të
treta.
Synimi: të rishikohet marrëveshja mbi politikën financiare të kursimeve për të
mbushur zbrazëtitë ekzistuese. Austria e Luksemburgu kanë vendosur të heqin
veton për hapjen e bisedimeve. Diskutimet do të përqëndrohen kryesisht në
shkëmbimin automatik të informacioneve, me qëllim që të ardhurat e kapitalit të
mund të jenë të taksueshme në vendet ku banojnë investuesit.
Në kontekstin e direktivës së brendshme për politikën financiare të kursumeve,
Vjena dhe Luksemburgu kanë paralajmëruar se nuk do të shfuqizojnë sekretin
bankar deri sa të jetë arritur një marrëveshje. Vetëm në Zvicra, San Marino,
Andora, Monako e Liechtenstein do të përfshihen në standardin e ri të
transparencës fiskale, atëherë edhe Austria e Luksemburgu do të marrin të
njëjtat masa.
www.voal-online.ch
|
Comments (0)
Dërgoja shokut
Printo
