Mongomeri: Beogradi mbështet protestat e serbëve në Kosovë
E Mërkurë, 05.13.2009, 10:29am (GMT+1)
Ish-ambasadori amerikan në Beograd Uiliem Montgomeri për protestat e serbëve të Kosovës thotë se nuk janë spontane, por të dirigjuara nga liderët e papërgjegjshëm serbë të veriut të Kosovës të cilët kanë mbështetje logjistike në Beograd.
"Nuk ka kurrfarë dyshimi se pjesëmarrësit e protestave gëzojnë ndihmën dhe mbështetjen e disa liderëve serbë në Kosovë dhe mbështetjen indirekte të disa njerëzve në Beograd", ka thënë Montgomeri për Radion Evropa e Lirë. Ai këtë e argumenton me faktin se askush në Beograd nuk iu ka dërguar ndonjë masazh serbëve që t'i ndërpresin ato protesta.
"Madje as ata serbë të Beogradit, me orientim të moderuar, apo ata të cilët thellë në shpirt besojnë se Kosova teknikisht është e humbur, nuk guxojnë ta thonë këtë publikisht, as që guxojnë të shprehin pikëpamjet se e pranojnë rrjedhën e tillë të gjërave", është shprehur Montgomeri. (RTK) www.voal-online.ch
|
Printo
