VOAL - Online Zëri i Shqiptarëve - Barometri diplomatikTRADHTARËVE NUK IU DORËZOHEN LETRA PËRSHPIRTËSE, AS PARALAJMËRUESE!Nga Prof. Dr. MEHDI HYSENI

                                                                                      

E Premte, 08.17.2018, 01:28am (GMT+1)

Ballina Linqe Stafi Kontakt
 
 
::| Fjala:       [Advance Search]  
 
Gjithë lajmet  
LAJMI I FUNDIT
OPINONE-EDITORIALE
ZVICRA
INTERVISTË-PRESS
SHQIPTARËT
LAJME NDËRKOMBËTARE
POLITIKË
DIASPORA NË ZVICËR DHE BOTË
PERSONAZH
ART KULTURË
DOSSIER
KËNDI I SHKRIMTARIT
HOLLYWOOD
AFORIZMA
GOSSIPE
SPORT
::| Newsletter
Emri juaj:
Emaili juaj:
 
 



 
OPINONE-EDITORIALE
 
Barometri diplomatik
TRADHTARËVE NUK IU DORËZOHEN LETRA PËRSHPIRTËSE, AS PARALAJMËRUESE!
Nga Prof. Dr. MEHDI HYSENI

E Mërkurë, 05.13.2015, 07:01am (GMT+1)


*** Të gjithë ata kritikucë, që nuk pajothen me adresimin dhe me përmbajtjen e qëlluar të letrës publike të Blendi Fevziut, janë në anën e politikës dhe të praktikës shtypëse sllavomaqedone mbi shqiptarët , si dhe në anën e mbështejes së kolaboracionizimit të Ali Ahmetit dhe të partizanëve të tij në Tiranë dhe në Prishtinë.
-Tanimë, dihet kush janë ata, që pas rënies së “sunamit” në Lagjën e Trimave, nxorën vetë “kokën në diell” sikurse kërpudhat pas shiut, duke e mbajtur anën e politikës shtypëse dhe terroriste të qeverisë sllavomaqedonase, si dhe të kolaboracionizmit shqipfolës filosllav.

Kështu, shumë mirë bëri publicisti dhe analisti ynë i mirënjohur Blendi Fevziu që letrën e tij publike ia adresoi Gordana Jankullovskës, jo kolaboraconistit Ali Ahmeti, i cili, as pas përfundimit të aksiont terrorist shtetëror të qeverisë së tij sllavomaqedonase kundër shqiptarëve të Lagjës së Trimave në Kumanovë, nuk pati forcë, guxim, dhimbje, as ndjenja njerëzore, që t’i vizitonte bashkëkombësit e tij të pambrojtur. Por, në vend të tij, atje ndër të parët vajti lideri politik i opozitës sllavomaqedonase, Zoran Zaev.


Si mund të jesh në krye të një partie politike (BDI) siç është Ali Ahmeti dhe pjesëtar i qeverisë sllavomaqedone, e të mos vizitosh bashkëqytetarët t’u , madje, edhe në kohë lufte, lere më pas mbylljes së konfliktit të armatosur, ku për shkak të ndërhyrjes së forcave ushtarako-policore terroriste sllavomaqedone, e tërë Lagjja e Trimave u shkatërrua dhe u dogj, me ç’rast vriten 14 pjesëtarë të UÇK-së, si dhe u plagosën 30 persona të tjerë.

Reagimi publik i Fveziut, leksion për politikën dhe diplomacinë shqiptare!

Letra e Fevziut nuk është vetëm një “grusht” i fortë politik kundër Jankulovskës dhe kundër politikës shtetërore terroriste të qevrerisë sllavomaqedone kundër shqipatarëve të diskriminuar dhe të shtypur, por para së gjithash, është një “nokaout” - leksion i shekullit për politikën e jashtme dhe për diplomacinë e Tiranës dhe të Prishtinës, sepse ato vetë, do të duhej t’i jepnin një përgjigjje të këtillë reaguese qeverisë së Republikës së Maqedonisë, për shkak të akuzave, shpifjeve, fyrjeve dhe gënjeshtrave antishqiptare të Ministres së tyre të Punëve të Brendshme, Gordana Jankulovska, e cila së bashku me kryeministrin e saj Nikola Gruevski, urdhëruan aksionin terrorist shtetëror kundër popullatës civile shqiptare në Lagjen e Trimave në Kumanovë, me qëllim të spastrimit etnikisht të saj.

Që në “Preambulën” e letrës së tij (të cilën e mbështes pa asnjë reserve) Blendi Fevziu e bën me dije, jo vetëm ministren Jankulovska dhe qeverinë e saj repressive terrorizuese, por edhe klyshët kolaboracionistë mbështetës të saj si brenda, ashtu edhe jashtë Maqedonisë, se është shqiptar me gjak e komb, ndaj, është kundër çdo terrorizmi të bashkëkombësve të tij të Kumanovës.

Kjo është ndjenja dhe ndërgjegjja kombëtare, Dituria, guximi, humanizmi, objektivizmi, etika, profesionalizmi dhe drejtësia kundër padrejtësive dhe mohimit të lirive dhe të drejtave kombëtare të shqiptarëve nën Maqedoni.

Veç përcaktimit dhe mbështetjes së vërtetës në këtë rast konkret, në anën e mbrojtjes së popullatës së terrorizuar shqiptare, Fevziu me të drejtë “ edhe si njeri, befasohet nga heshtja e liderëve politikë të Maqedonisë, qofshin këta edhe shqiptarë”, sepse ishte në pyetje fati i qindra e mijëra shqiptarëve në Lagjën e Trimave, të cilët, pa kurrfarë lajmërimi paraprak, vihen në shtetrrethim të hekurt, në zjarrin dhe në flakën e granatave dhe të arsenalit të ndryshëm lufatarak të forcave vrastare policore dhe ushtarake sllavomaqedone.


Mirëpo, edhe shpërthimi i këtij konflikti të armatosur kundër populates shqiptare, nuk ua vrua mendjen dhe ndërgjegjën njerëzore, as pushtetarëve sllavomaqedonë e as bishtave dhe hyzmeqarëve të tyre kuislingë me në krye Ali Ahmeti. Ndaj, shumë me vend dhe me rend ka vepruar Fevziu, që letrën e tij nuk ia ka adresuar kuislingut Ahmeti, i cili, as në prag, as gjatë e as me t’u mbyllur aksioni terrorist shtetëror sllavomaqedon, nuk pati guxim, që të paktën, ashtu sikurse bëri Zoran Zaevi, t’i vizitonte bashkëkombësit e tij shqiptarë në Lagjen e Trimave në Kumanovë.


-Çfarë lideri politik dhe shtetari është ai Ahmeti, kur populli i vritet dhe i digjet Kumanova, e, ai në “birën e miut” duke luajtur “poker politik” me kryeministrin e tij, Nikola Gruevski, kinëse, se si ta parandalojnë “terrorizmin” shqiptar, ashtu, sipas “recetës ballkanike” përgjithësuese të Hashim Thaçit : ““Le ta themi më zë dhe ta bëjmë të qartë, këto forca që po punojnë të sjellin jo stabilitet në Maqedoni janë armiqtë më të mëdhenj të stabilitetit në tërë Ballkanin, përfshirë edhe Kosovën”. http://lajmpress.com/lajme/kosove/56866-thaci-thellesisht-i-brengosur-mbi-dhunen-qe-ka-shperthyer-ne-maqedoni.html).
-Ja teksti integral i Letrës historike, shkruar nga Blendi Fevziu, drejtuar Ministres së Brendshme të Maqedonisë, Gordana Jankullovska:
“ Zonja Ministre e Republikës së Maqedonië,


Nuk jam nënshtetas i republikës suaj, por si njeri që ndan të njëjtën kombësi dhe gjak me popullatën e terrorizuar të Kumanovës, si një gazetar që i ka ndjekur zhvillimet në Maqedoni që në 1992 dhe si njeri që befasohet nga heshtja e liderëve politikë të Maqedonisë, qofshin këta edhe shqiptarë, doja t’ju drejtohesha drejpërdrejtë me disa pyetje. Pyetje që në këtë moment më duken tejet të rëndësishme për të kuptuar mënyrën e funksionimit të Ministrisë suaj dhe Republikës së Maqedonisë.
Si e shpjegoni që një operacion kundër disa terroristëve që kërcënonin rendin kushtetues në Maqedoni zhvillohet në mes të një lagjeje të populluar, pa asnjë paralajmërim dhe pa evakuar më parë popullsinë civile!? Nuk qenë terroristët ata që nisën aksionin, gjë që do ju detyronte të përgjigjeshit, por ju!
Dhe e nisët në një lagje me 40 mijë banorë.Ju jeni juriste. Në cilin vend të globit goditet me të gjitha llojet e armëve kundër një lagjeje të tërë, në godinat e dritaret e së cilës jetojnë njerëz të pafajshëm, pleq e fëmijë që janë ende sot tejet të terrorizuar! Asnjë regjim barbar nuk do ta bënte këtë pa evakuar më parë civilët.


Si mund të ndërhyet në një zonë të banuar, pa mësuar më parë se sa persona ka grupi terrorist dhe sa armë ka ai në dispozicion? Dje deklaruat se nuk e prisnit që ata të kishin aq shumë armë?! Po nëse ata do të kishin me vete dhe do aktivizonin lëndë plasëse, a e mendoni që bilanci do të ishte tragjik dhe jetë të pafajshme do blatoheshin për ti dhënë më shumë madhështi operacionit tuaj?!


Duke filluar një sulm me popullatën aty, a menduat ju zonjë që terroristët mund të merrnin pengje dhe gjendja të bëhej më dramatike!? A e mendoni që kjo mund të kthehej në një histori e frikshme nga ato që Ballkani, me gjithë krimet e tij, nuk ka parë aq shumë?


Së dyti, si hynë këta terroristë në Maqedoni? Kur e morët këtë informacion? Përse nuk u ndaluan që në fillim, por u lanë të depërtojnë në mes të një lagjeje të populluar?! Si i futën armët e rënda aty dhe përse policia juaj kaq e gatshme të qëllonte në mes të qytetit nuk ishte në gadishmëri gjatë gjithë kohës që ata u transferuan aty?


A mendoni që 22 viktima, banorë civilë apo policë, kanë humbur jetën prej një operacioni që më shumë duket se synon bujën mediatike dhe trembjen e popullatës se sa eleminimin e një grupi terroristësh.


Personalisht jam kundër cdo grupi që synon destabilizimin me armë; jam kundër atyre që bëjnë dhunë, por kam vetëm një pyetje për ju: a do të ndodhte kjo nëse ai grup do të gjendjes në një lagje të banuar me Maqedonas? Thënë ndryshe, a vlen zonjë për ju jeta e një qytetari të etnisë shqiptare sa ajo e një qytetari të kombësisë Maqedonase? A kanë të njëjtën vlerë jetët e njerëzve në Republikën Multietnike të Maqedonisë.


Përgjigjen po jua jap vetë: Druaj se jo!


Gjatë gjithë ditës dje jam munduar të kuptoj atë që po ndodhte. Nuk mund t’i jepja shpjegim sjelles suaj, veçse duke thirrur në ndihmë disa përgjime telefonike në të cilat ju shprehnit lirshëm konsideratat tuaja për shqiptarët. Janë konsiderata nga ato që ndahen në biseda mes miqsh, të lirshme, në konfidencë dhe shumë të ndryshme e më të sinqerta se sa ato që deklarohen në konferenca mbi bashkëjetesën etnike. Ju dëgjova që i quanit shqiptarët “indianë” (duke ju referuar popullisë indigjene native të Amerikës së Veriut) dhe “fis i egër”! Kam mbetur shumë i befasuar, i zhgënjyer, por edhe tejet shpërfillës. E dini përse? Sepse gjithë konstatimi juaj ishte paragjykim, paragjykim i pastër që të çon fare thjeshtë në racizëm. Dua t’ju them zonjë se nëse nuk e kemi mësuar ndonjëherë në shkollë, paragjykimi është vula identitare e injorantit! Më vjen keq për injorancën e shprehur në këtë rast, por po ju bëj me dije disa gjëra që në çdo vend të botës do kishin ngritur peshë opinionin intelektual.


Të identifikosh shqiptarët me “indigjenët e Amerikës” do të thotë të revokosh sjelljen ndaj tyre. E dini cila ishte sjellja ndaj tyre? Zaptimi i territoreve, përzënia me dhunë nga trojet e tyre, shfarrosja dhe izolimi. Marzhinalizimi i plotë në shoqëri, për t’i përjashtuar nga çdo gjë. A besoni zonja Ministre se kjo do të ishte sjellja më e mirë ndaj shqiptarëve dhe a është ky krahasimi i duhur nga një Ministre e një Republike që pretendon të ngrihet mbi marrëdhëniet e mira ndëretnike dhe barazinë e të gjithë shtetasve të saj?


Nëse keni pasur parasysh këtë, jeni shumë e gabuar! Shqiptarët janë element shtetformues në Maqedoni dhe ai shtet nuk do të mund të quhet kurrë i tillë nëse ju do mendoni dhe jo të tentoni t’i përjashtoni nga të drejtat e tyre. Kam qenë në Maqedoni në Marsin e 2001 dhe e kam parë se këtë vendim nuk e keni marrë me dëshirë, por me imponim. Nëse nuk do dini të ngrini një shtet multietnik, ky është dështimi juaj.


Së dyti, ju siguroj se sjellja ndaj “indigjenëve të Amerikës” mbetet ende turpi historik i atij vendi. Sot vetë amerikanët kanë dënuar njëzëri politikat e 200 viteve më parë dhe çdo fjalë që do revokonte me entusiazëm ato do konsiderohej marrëzi dhe do ndëshkohej rëndë.


Së fundi, në bisedat tuaja flitet në mënyrën më shpërfillëse të mundshme për ligjin dhe abuzimin me të. Unë që kam njohur regjimet totalitare, e di shumë mirë, se për autoritarizmin Ligji është veç një shprehi dhe asgjë më shumë. Në demokraci, ligji është ai që rregullon gjithçka. Shkelja e tij dhe vetmën e shkelja e tij mund të kufizojë lirinë tënde. Dhe shkelja e ligjit, nuk tolerohet asnjëherë, sado vonë që të jetë. Ju e dini se nazistë që kanë shkelur ligjin 70 vjet më parë vijojnë të dënohen ende sot! Sepse ndëshkimi për shkëlësit e ligjit nuk mungon asnjëherë.

Si përfaqësues i këtij “fisi të egër”, “indigjenësh” dhe si njohësh shumë i mirë i historisë së Ballkanit ju siguroj se të gjithë abuzuesit e ligjit në këtë gadishull kanë përfunduar në burg; se të gjithë ata që kanë përçmuar etnitë e tjera e kanë çuar popullin e tyre në luftë dhe në katastrofë dhe se të gjithë ata që kanë besuar shumë në fuqinë dhe pushtetin e tyre të pakufizuar, kanë qenë viktimat e para të shembjes së tij!

Ka ende një mundësi që ju të rrëfeni se jeni realisht për një Republikë të vërtetë multietnike të Maqedonisë: t’ju kërkoni falje shqiptarëve për atë që keni thënë; të bëni transparencë për atë që ka ndodhur në Kumanovë dhe të lini drejtësinë të hetojë realisht. Nëse kjo nuk do ta bëjë sot, do ta bëjë nesër dhe për ju do të jetë shumë vonë!


Pa asnjë lloj respekti për ju, si për çdo shkelës të ligjit.
Blendi Fevziu
Emisioni Opinion – TV Klan Tiranë” (Sipas http://www.tetovasot.com/2015/05/leter-publike-per-ministren-e-brendshme-jankullovska-nga-blendi-fevziu/).
Të lumtë mendjeditur dhe mendjendritur, gjak i pastër i shqiptarisë!


Të këtillë, si Blendi Fevziu, intelektualë dhe njerëz të ditur, humanistë, kombëtarë, politikanë, diplomatë dhe burra të shtetit i duhen Shqipërisë Etnike, jo qyqarë, oportunistë, demagogë, kolaboraconistë,grabitçarë, përçarës, tradhtarë dhe shitës të aliazhuar me armiqtë shekullorë të kombit të copëtuar shqiptar dhe të Shqipërisë Etnike, sepse ata janë njësoj të rrezikshëm sikurse skllavëruesit dhe kolonizuesit sllavë ballkanikë.


Prandaj, një letër të këtillë përmbajtësore sikur kjo e z. të nderuar Blendi Fevziu, do të duhej shkruhej dhe të drejtohej në adresën e qeverisë shtypëse sllavomaqedone të Nikola Gruevskit dhe të Ali Ahmetit nga ana e qeverive të Tiranës dhe të Prishtinës zyrtare, politika dhe diplomacia e të cilave, edhe në këtë rast dështoi në mbrojtejn e interesave, të drejtave dhe lirive elementare dhe kombëtare të shqiptarëve nën Maqedoni.

Prof. Dr. MEHDI HYSENI


Rating (Votes: )   
    Comments (0)        Dërgoja shokut        Printo


Other Articles:
KRYEMINISTËR, A NA LEJON TË JETOJMË NË SHQIPËRI PAS 21 QERSHORIT 2015Nga REXHEP SHAHU (05.12.2015)
Barometri diplomatik KUR DËSHTON POLITIKA, KËRCET PUSHKA!Nga Prof. Dr. MEHDI HYSENI (05.11.2015)
FITORE MBI FASHIZMIN APO PËRMBYTJE NËN KOMUNIZËMNga FRANK SHKRELI (05.11.2015)
KUMANOVËN NUK KA SE KUSH TA MBROJË, PASI ALI AHMETI ËSHTË MERCENAR I GRUEVSKITNga ELIDA BUÇPAPAJ (05.11.2015)
METODAT AUTORITARISTE NË DREJTIM TË SHTETIT DHE ZGJEDHJEVENga ROMEO GURAKUQI (05.11.2015)
Barometri diplomatik S'KA ALTERNATIVË TJETËR - O FEDERALIZIM, O RIBASHKIM ME SHQIPËRINËProf. Dr. MEHDI HYSENI (05.09.2015)
SURGITE, MORTUI! -  LE TE NGRIHEN TE VDEKUNIT!Nga SAMI REPISHTI (05.07.2015)
BlogMUSTAFA T'I KËRKOJË FALJE DIOGUARDITNga SKËNDER BUÇPAPAJ (05.07.2015)
Barometri diplomatikSELIMQE ANTIDIPLOMACI, E DËMSHME EDHE PËR KOSOVËN, EDHE PËR UASHINGTONINNga Prof. Dr. MEHDI HYSENI (05.06.2015)
FUSHATË PATOLOGJIKE KUNDËR PRESIDENTIT RUGOVANga GANI MEHMETAJ (05.06.2015)



 
::| Lajme të fundit
::| Kalendari
Gusht 2018  
D H M M E P S
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  
 
::| Hot News
PËRMBYTJET NË SHQIPËRI - QEVERIA THOTË SE GJENDJA ËSHTË KRITIKE, KËRKON NDIHMË NGA BRUKSELI
ARVIZU - PRESIM QË DREJTËSIA SHQIPTARE TË DËNOJË TRAFIKANTËT E NJERËZVE
NATO NUK MUND TË NDIHMOJË NË KRIJIMIN E USHTRISË NË KOSOVË
GJERMANIA, FRANCA, BRITANIA E MADHE, HOLLANDA DHE DANIMARKA KUNDËR STATUSIT TË VENDIT KANDIDAT PËR SHQIPËRINË
THAÇI PARALAJMËRON ZGJEDHJEN E PRESIDENTIT GJATË JAVËS SË ARDHSHME
MISIONI MISHELËNga MICHELLE OBAMA, Newsweek
BABAI E NJEH MË MIRËNga THOMAS L. FRIEDMAN, New York Times
NATO dhe BE borxhlinj ndaj Kosovës ?Nga Elida Buçpapaj

 
VOAL
[Shko lart]