NE KEMI HUMBUR NJËSOJ Nga PABLO NERUDA
E Martë, 03.25.2014, 05:38pm (GMT+1)
Njësoj e humbëm këtë muzg. Asgjë s'pamë këtë mbrëmje dorë për dore ndërsa nata e kaltërt mbi botë ra.
Që kur nga dritarja ime pashë festën e perëndimit dhe kodrat larg përtej.
Ndonjëherë si monedhë në duart e mia digjet një copë dielli.
Ta kujtova me shpirt të ndrydhur për trishtim tim që ti ma ke njohur.
Ku ishim ne atëherë? Mes ç'njerëzish? Ç'fjalë thamë? Përse gjithe tronditja dashurisë njëherësh më vjen kur i trishtuar jam, e ty larg të ndjej?
Ra libri që gjithmonë në dorë e merr kur bie muzgu e si qeni i plagosur nën këmbë rroben time rrokullisi.
Gjithmonë, gjithmonë ikjet e tua të mbasditës atje ku mbrëmja rend statujat të zhdukë.
Përktheu: EMIL ASDURIAN
|