VOAL - Online Zëri i Shqiptarëve - Histori - Çfarë ka ndodhur më 26 nëntor?1789 - NJË DITË KOMBËTARE FALËNDERIMESH SHPALLET NË SHTETET E BASHKUARA

1789 - Një ditë kombëtare Falenderimesh shpallet në Shtetet e Bashkuara - ditë e rekomanduar nga presidenti George Washington dhe miratuar nga Kongresi. Në vitin1863, presidenti Abraham Lincoln shpall 26 nëntorin Ditën e Falenderimeve që do të festohej çdo vit të enjten e fundit të nëntorit (që nga viti 1941 të enjten e katërt).

1857 - Në Gjenevë, lindi Ferdinand de Saussure, gjuhëtar, idetë e të cilit u bënë bazë për shumë zhvillime të rëndësishme në gjuhësi dhe semantikë. Saussure është konsideruar si një nga etërit e gjuhësisë të shekullit të 20-të. Ai tregoi shenja talentesh të shumta dhe aftësi të rralla intelektuale që në moshën 14 vjeç. Pas një viti sudimi latinisht, greqisht, e sanskritisht, dhe duke marrë një shumëllojshmëri kursesh në Universitetin e Gjenevës. Saussure, 22 vjeç, botoi punime të rëndësishme në filologji; dhe propozoi ekzistencën e proto - indoevropianishtes me "koeficiente të tingujve", humbja e të cilëve solli nevojën e evoluimit të bashkëtingëlloreve, duke çuar në atë që njihet tani si "teoria e laringiteve". Parashikimet e tij u vunë në provë 50 vjet më vonë kur arkeologët zbuluan tekste hitishte dhe gjuhëtarët arritën t'i deshifronin ato duke përdorur teorinë e laringiteve. Saussure është edhe një nga etërit e semantikës; boshti i përshkrimit të fjalës duke analizuar shenjat, treguesit, figurën, analogjinë, metaforën, simbolikën, kuptimin në varësi të mënyrës së komunikimit. Koncepti i Saussurit mbi formën dhe idenë, fjalën dhe konceptin, shenjën dhe domethënien,"sign and signifier", përbëjnë thelbin e semantikës.

1912 - Ushtria serbe mbërriti në Milot, vetëm pak orë larg nga Durresi. Një komision nga paria e vendit, shoqëruar nga kryepleq të fshatit shkuan për t'i informuar oficerët serbë se Shqipëria së shpejti do të kishte qeverinë e vet dhe se nuk ishte në luftee me ndonjë nga vendet e Ballkanit. Ndërkohë, Ismail Qemali me 27 delegatë nga qytete të ndryshme të Kosoves dhe Shqipërisë së mesme, mbërriti në Vlorë nga Durrësi.

1918 - Kuvendi i Podgoricës voton "për bashkimin e popullit", duke shpallur përfshirjen e Malit të zi në mbretërinë e Serbisë.

1922 - Howard Karter dhe Lordi Karnavon bëhen të parët që hyjnë në varrin e Faraonit Tutankhamun, varrosur mbi 3000 vjet më parë.

Mendim i ditës
"Çmenduri: Të bësh të njëjtën gjë dhe presësh rezultate të ndryshme."
Albert Einstein