Voal-online - PARIS, 26 JANAR - Janë të gjitha rrena, nuk ka asnjë krizë dhe as ndarje mes nesh: aktorja franceze Vanessa Paradis i ka përgënjeshtruar zërat për gjoja përfundim të martesës me aktorin amerikan Johnny Depp. Paradis dhe Depp bashkëjetojnë prej 14 vjetësh dhe kanë dy fëmijë: Lily-Rose, 12 , e Jason Jack Christopher, 9 vjeç.
"Këto thashetheme janë rrena, rrena - ka pohuar aktorja gjatë një interviste në televizionin Canal Plus ku ka paraqitur filmin e saj të fundit, 'Cafe' de Floré të regjisorit Jean-Marc Valleé që ka dalë dje në Francë -. Përfolje si këto mund t'i bëjnë shumë keq familjes sime, fëmijëve të mi." Dhe ka shtuar: "Tashethemet nuk janë gjë tjetër veçse biznes. Po të ishte si thonë mediat gossip unë duhej të isha pronare e 52 shtëpive dhe të isha në shtatzaninë e dymbëdhjetë." Paradis i ka komentuar përfoljet në twitter: "Kur shtoj pak peshë, jam shtatzënë; kur shkoj në një qyet, blej një shtëpi; dimrit ndahem, verës martohem: ka 15 vjet që martohem në çdo vit! Përfytyroni se a mund t'iu përgjigjesha unë gjithë këtyre thashethemeve."
Prej javësh shtypi amerikan merret me gjoja krizën e çiftit më të admiruar të kinemasë. Së fundmi People shkruan se 'pirati' Depp jeton në Los Anxhelos si beqar dhe thekson se ai u paraqit në qilimin e kuq të Golden Globes i vetëm. Ndërkaq, çifti prej një viti nuk është fotografuar së bashku. (ansa)
Comments (0)
Dërgoja shokut
Printo
