Voal-online "Adhuruesi" 29 vjeçar u vu nën akuzë dje dhe u dërgua në një mjedis ku mbahen të burgosurit me probleme mendore. Ai e sulmoi këngëtaren Leona Lewis të mërkurën.
Peter Kowalczyk e qëlloi me grusht në kokë Leona Lewis-in, 24 vjeçe, kur ajo po firmoste kopjet e autobiografisë së saj, Dreams, në një librari në lagjen Piccadilly të Londrës. Sulmuesi, banor i Londrës jugore, do të paraqitet në gjyq më 26 tetor.
"Një djalosh erdhi e më goditi me grusht në anën e majtë të kokës," tha për BBC këngëtarja yll e muzikës pop. Një burim tha se ajo është mirë, por pak e "ndrydhur".
Të enjten Lewis, e cila nuk dëshiroi të shtrohet në spital, shkroi në faqen e saj në internet për incidentin bizar:
"Dje ishte një shok i tmerrshëm dhe më lëndoi e më trishtoi mua pa masë. Më vjen shumë keq që nuk mbarova së firmosuri librat."
Këngëtarja parashikohej të merrte pjesë në një program të BBC atë natë, por e shtyu për më vonë. (http://www.people.com/people)