Voal-online Këngëtarja kantri e sapofejuar Carrie Underwood (Keri Andevud) ka disa kërkesa fare të thjeshta për kohën kur të ndërrojë unazat me të fejuarin Mike Fisher.
"Unë dua një dhëndërr, ushqim të mirë dhe pije gjithfarëshe," ka thënë Underwood, 26 vjeçe, për revistën People në qilimin e kuq të ceremonisë së mbajtur në Nokia Theatre të Los Anxheloust në veprimtarinë People's Choice Awards.
Ajo mund të mos e dijë kush po ia dizajnon fustanin e dasmës mund të mos e dijë as datën e martesës, por Underwood ka disa mendime të sajat si po e planifikon ditën e saj të madhe.
"Jam jugore," thotë ajo. "Më pëlqejnë flokët e lëshuara dhe lapsi i syve. Unë dua që dita e dasmës sime të jetë imja, prandaj unë do t'i lëshoj flokët e gjata dhe do t'iu kem vënë laps syve."
Underwood sapo nxori albumin e saj të tretë Play On, për të cilin do të fillojë një tur në mars, por ajo ka një strategji për të qëndruar në lidhje me Fisher. "Ne jemi tekstaxhinj të mëdhenj, » thotë ajo. "Ne flasim në telefon, Ne bëjmë I-Chattin, unë nuk e di si do t'ia bënim pa këto, ta them të drejtën, dhe mënyra e përballimit të kohës është me rëndësi."
(http://www.people.com/people)
Comments (0)
Dërgoja shokut
Printo
