Voal-online - BRUKSEL (Reuters) - Filmi i parë amerikan që lajmëron për rreziqet e regjimit nazist të
Adolf Hitlerit është gjetur në arkivin e filmit në Bruskel, ku ai nuk ishte vënë re për 75 vjet."Hitler's Reign of Terror" (Mbretëria e terrorit e Hilterit) qe prodhuar nga Cornelius Vanderbilt, një trashëgimtar i famlijes së pasur industrialiste amerikane, i cili e vizitoi Gjrmain në kohën kur Hitleri ishte votuar për të ardhur në pushtet më 1933.
Filmi i Vanderbilt përqëndrohet në mitingjet e partisë nazise, në djegiet e librave dhe plaçkitjet e dyqaneve të hebrenjve.
Në premierën e tij në New York më 1934, film ishte një sukses i madh, thotë
Bruno Mestdagh, shef i koleksioneve digitale në arkivin belg të filmit Cinematheque.
"Ambasada gjermane në Shtetet e Bashkuara protestoi, kështu që filmi i censurua dhe u përshat. Pastaj u shfaq në qytete të tjera me shumë më pak sukses," thotë Mestdagh.
Versioni i zbuluar në arkiv ka shumë të ngjarë të jetë urdhëruar nga dikush që donte ta shfaqte në Belgjikë, por ai nuk u koleksionuar atërherë dhe kështu filmi i mbijetoi okupimit gjerman.
Më 1970 ai u transferuar në arkiv, ku janë nja
70000 tituj, 80 për qind e tyre të huaj. Por vetëm para dy vitesh punonjësit e arkivit e kuptuan se e kishin të vetemn kopje të mbijetuar.
Filmi është restauruar dhe do të shfaqet në Muzeun e Arteve Moderne në New York në muajin tetor.
Comments (0)
Dërgoja shokut
Printo
