FEDERICA MOGHERINI - BASHKIMI EVROPIAN DO TA NJOHË PALESTINËN
E Mërkurë, 11.05.2014, 04:18pm (GMT+1)
BRUKSEL - Përfaqësuesja e sapoemëruar e trupit diplomatik të Bashkimi Evropian, Federica Mogherini, vuri në dukje se në periudhën prej pesë vjetësh, BE-ja mund ta njohë shtetësinë e Palestinës. Në intervistën e saj të parë pas mbërritjes në vendin e Catherine Ashton, ajo tha se BE-ja duhet të lëvizë përpara në politikën e saj ndaj Lindjes së Mesme.
"Unë do të isha e lumtur në qoftë se deri në fund të mandatit tim, të njihej shtetësia e Palestinës. Kriza në këtë rajon duhet të zgjidhet, një brez i tërë është rritur së bashku me problemin palestinez", tha Mogherini. Ish-ministrja e Punëve të Jashtme të Italisë ka njoftuar se gjatë javës ka për të udhëtuar në Lindjen e Mesme, ku do të vizitojë Tel Avivin, Jerusalemin, Ramallahun dhe Gazën, si dhe do të diskutojë me kryeministrin e Izraelit, Benjamin Netanjahu.
"Këto ditë kam marrë mesazhe nga pala palestineze dhe izraelite, si dhe nga vendet kryesore arabe. Megjithëkëtë, unë mendoj se është koha që BE-ja të ndërmarrë hapa të mëtejshëm në këtë drejtim", shtoi Mogherini. Sipas saj, problemet në rajon mund të zgjidhen vetëm përmes veprimit të koordinuar të të gjitha vendeve që kanë interesa, transmeton Telegrafi. "Në fakt, kjo do të jetë e vështirë për të garantuar sigurinë e vendit pa kufij, por një marrëveshje kornizë në këtë rast mund të krijojë kushte për zgjidhjen e problemit izraelito-palestinez", përfundoi kreu i ri i trupit diplomatik të BE.
Javën e kaluar Suedia ka njohur zyrtarisht shtetësinë e Palestinës, dhe kjo tendencë është parë edhe nga Britania dhe Franca. Për këtë, në vitin 2012, ishte deklaruar edhe presidenti rus Vladimir Putin.
www.voal-online.ch
|