KAPSULA ORION FILLON FLUTURIMIN PROVË
E Premte, 12.05.2014, 07:27pm (GMT+1)
 Një mjet i ri i hapësirës që do të çojë astronautët amerikanë përsëri në Hënë dhe më tej u nis sot për një fluturim provë.
Kapsula Orion ishte planifikuar fillimisht të nisej të enjten nga qendra Cape Canaveral në Florida por një seri problemesh çuan në shtyrjen e nisjes.
Anija e telekomanduar do të bëjë dy rrotullime rreth tokës në një lartësi më shumë se 14 herë më lart nga Stacioni Orbital Ndërkombëtar. Pas një fluturimi prej 4 orë e gjysmë, Orioni do të rihyjë në atmosferën e Tokës me një shpejtësi prej 32,000 kilometrash në orë, para se të zbresë në Oqeanin Paqësor në brigjet Baja të Kalifornisë.
Agjencia amerikane e hapësirës NASA tha se misioni i parë me njerëz në bordin e Orionit nuk do të ndodhë të paktën deri në vitin 2021. Kur të jetë në funksionim të plotë, Orioni do të transportojë 4 deri në 6 astronautë në misione të thella të hapërisër në Hënë, asteroide dhe eventualisht në Mars. www.voal-online.ch
|
Comments (0)
Dërgoja shokut
Printo
