Zëri i Amerikës E hënë, 07 Shkurt 2011
Ekipi Packers nga Green Bay i Wisconsinit ka dalë fitues i kampionatit të fundit të superbollit. Packers mundën dje në finale ekipin Steeelers nga Pitsburgu i Pensilvanias me rezultatin 31-25.
Ishte një ndeshje e fortë, por e dominuar gjatë gjithë kohës nga Packers. Menjëherë në pjesën e parë, Packers vendosën një avantazh 21 me 3 mbi rivalin e tyre, por ishte këmbëngulja e Steelers që i dha dinamikën lojës. Steelers nuk pranuar disfatën dhe me një aksion të suksesshëm nga Rashard Mendenhall në pjesën e tretë arritën ta ngushtojnë ndjeshëm rezultatin në 21-17.
Por ishte e qartë se Packers ishin ekipi superior, duke përmbysur shpresat e Steelers për të thyer rekordin me 7 tituj kampionë. Green Bay Packers siguruan mbrëmë titullin e katërt kampionë të Superbollit në historinë e këtij ekipi.
(http://www.voanews.com/albanian)
Comments (0)
Dërgoja shokut
Printo
