Nga 1- 5 maj 2013
në sallonin e ekspozitave PALEXPO te Gjenevës mbahet Panairi i Librit dhe i
Shtypit. Në këtë panair do të marrë pjesë me stendë edhe Botimpex nga
Shqiperia, agjenci e njohur e eksport-importit të botimeve.
Botimpex do të ekspozojë libra të ndryshëm letrarë,
historikë, kulturorë, fjalorë e metoda të mësimit të gjuhëve, libra për fëmijë,
libra njohës per Shqipërinë, libra shkollorë, etj. Ata janë pergjithësisht
libra të rinj e të pelqyer të autorëve shqiptarë e të huaj si : Ismail Kadare, Kristo Frashëri,
Martin Camaj, Kostë Cekrezi, Elvira Dones, Bashkim
Shehu, Moikom Zeqo, Ilir Ikonomi, Elida Buçpapaj, Ardian Vehbiu, Blendi Fevziu,
Adelina Mamaqi, Gaqo Bushaka, Alfred Papuçiu, Erida Bega, Franc
Nopca, etj. Në mesin e tyre një vend të rëndësishëm zënë librat e botuar në
kuader të 100 Vjetorit të Shpalljes së
Pavarësisë.
Gjatë ditëve të panairit në stendën e Botimpex do të jenë
të pranishëm edhe shkrimtarja e njohur
Besa Myftiu dhe poeti i ri nga Kosova Ndriçim Ademaj. Ata do të prezantojnë
librat e tyre të enjten me dt.2 maj
dhe të shtunën me 4 maj nga ora 17h - 19h, do të zhvillojnë takime e
biseda me lexues dhe do të rezervojnë për ta libra me dedikim.
Ka mjaft arsye për ta vizituar stendën e Botimpex: atje
do të gjeni libra për vete, fëmijët dhe miqtë tuaj, do të keni mundësi të
vendosni kontakte për të pasuruar bibliotekat tuaja me libra në vijimësi, do të
mund të merrni informacione për gjëra që ju interesojnë nga fusha e botimeve.
Në tërësi, botimet në gjuhën shqipe kanë shënuar rritje cilësore të ndjeshme.
Realizimi i tyre është pothuajse në nivel europian nga pikpamja e tematikës,
vlerave, përmbajtjes, nivelit, sasisë, paraqitjes etj. Ndaj dhe jemi të sigurtë
se librat që do të ekspozohen do të justifikojnë interesimin tuaj, do t'iu
pergjigjen nevojave tuaja dhe do t'iu vijnë për shtat shijeve tuaja si dhe të
qytetarëve jo shqipfolës. Pra ju ftojmë ta vizitoni panairin dhe ta shijoni sa
më tepër atmosferën festive që krijon libri.
Stenda e Botimpex do të jetë në rreshtin F 639.
Ju urojmë vizitë të këndshme !
P/ Botimpex
Edvin
Bega