NUK DO TË KTHEHEM Nga JUAN RAMON JIMENEZ
E Premte, 08.08.2014, 05:22pm (GMT+1)
Unë nuk do të kthehem. Dhe nata e vakët, e kulluar, e heshtur, do të vërë në gjumë botën, në rrezet e hënës vetmitare. Nuk do të jetë trupi im, e nga dritarja e hapur do të hyjë një fllad i freskët, duke kërkuar shpirtin tim. Nuk e di kush do të jetë duke më pritur pas mërgimit të dyfishtë, të gjatë, kush do të puthë kujtimin tim, në mes të ledhatimeve e lotëve. Por do të ketë yje dhe lule e psherëtime e shpresa, e dashuri nëpër shëtitoret në hijen e degëve të pemëve. E ajo piano do të bjerë si në këtë natë të qetë, e nuk do të ketë kush ta dëgjojë, i menduar, në dritaren time.
Përktheu: SKËNDER BUÇPAPAJ
|