VOAL - Online Zëri i Shqiptarëve - 20 QERSHORI, DITA NDËRKOMBËTARE E REFUGJATIT

20 qershori është Dita Ndërkombëtare për Refugjatin. Kjo ditë, këtë vit ka në qendër të shqetësimeve të saj temën "Shtëpi" në njohjen e gjendjes së më shumë se 40 000 000 (40 milionë ) njerëzve të shpërngulur në mbarë botën. Rreth 10 milionë e të shpërngulurve në mbarë botën sot janë refugjatë, një grup me interes të veçantë për UNHCR-në dhe programet e saj. Më shumë së 4/5 e popullsisë së botës sot jeton në vende në zhvillim më së shumti në zonat urbane. Ata trajtohen nga shtetet dhe komunitetet pritëse dhe ndihmohen të integrohen në vendet e destinacionit. UNHCR ndihmon njerëzit të gjejnë shtëpi të reja dhe të ardhmen e re përmes rivendosjes në një vend të sigurt, përmes riatdhesimit vullnetar dhe nëpërmjet integrimit lokal. Sot më shumë se kurrë kërkohen zgjidhje të qëndrueshme dhe domethënëse për jetën e këtyre individëve. Pjesa më e madhe e këtyre personave në nevojë, refugjatëve apo kategorive të tjera nën mbrojtje ndërkombëtare, preferojnë të kthehen në vendet e tyre. Megjithatë, me konflikte të vazhdueshme ose të shkallëzuara në shumë vende, t'u gjesh shtëpi të reja dhe t'i lejosh njerëzit të rifillojnë jetën e tyre është gjithnjë e më e vështirë. Këtë vit, për Ditën Botërore të Refugjatëve, në mbarë botën janë duke u planifikuar aktivitete për të nënvizuar gjendjen e refugjatëve nën kujdesin e UNHCR-së dhe për të mbrojtur në emër të tyre ndihmën që atyre u nevojitet.