Voal-online - LOS ANXHELOS (Reuters) - Një burrë që e fjalosi Bristol Palin në një bar në Los Anxhelos dhe e fyu nënën e saj politikane konservatore, Sarah Palin, bëri një padi duke e akuzuar për shpifje.
Edhe manaxheri i talenteve Stephen Hanks e paditi kanalin televiziv kabllor Lifetime, ku përfshihet filmimi i incidentit të vitit 2011 në reality show televiziv të mëvonshëm të Bristol Palin, duke thënë se ai nuk iu ka dhënë auorëve të programit lejen për t'u filmuar. Padia e dorëzuar në gjykatën federale të Los Anxhelosit, ka në qendër incidentin e ndodhur në shtator të vitit 2011 në bar-restorantin e famshëm Sunset Strip, një incident që pati publicitet të jashtëzakonshëm në atë kohë.
Avokati i Hanks, Michael Gulden, tha për Reuters se padia u dorëzua në gjykatën federale, sepse paditësi kërkon dmëshpërblim në një shumë më të madhe se $75000.
Bristol Palin, e cila u bë e famshme për shtatzani në moshën adoleshente kur e ëma garonte për nënpresidente të SHBA, më 2008, për republikanët, i pati thënë revistës së famozëve, In Touch, se incidenti ishte një nga arsyet për se ajo vendosi të largohej nga Los Anxhelosi dhe të tkhehej në qytetin e saj Wasilla, Alaska.