19.05.2011
Filmbërësit danez Lars von Trir i është ndaluar pjesëmarrja në Festivalin e filmit të Kanës, për shkak të deklarimeve të tij se ai ndjenë keqardhje për Adolf Hitlerin.
Një komunikatë e organizatorëve të Kanës, njofton sot, se von Trir është shpallur "persona non grata" në festivalin e Kanës, për shkak të komenteve të tij të bëra dje.
Komunikata i ka quajtur deklarimet e danezit "të papranueshme, të pa-tolerushme dhe në kundërshtim me idealet e njerëzimit dhe bujarisë".
Në një konferencë për media, von Trier, duke folur për Hitlerin, ka thënë: "ai nuk është një person që do të mund ta quaje të mirë, por unë e kuptojë në shumçka atë, dhe pak a shumë ndjej keqardhje për të".
Pas kësaj deklarate ai ka thënë se ishte duke bërë shaka ndërsa më vonë bëri publike edhe një kërkim falje me shkrim.
Deklarata e sotme nuk e sqaronte nëse filmi i Lars von Trir, "Melankolia", është përjashtuar gjithashtu nga gara e Kanës?
Von Trir e ka fituar çmimin kryesor të Festivalit të Kanës, Palma e Artë, në vitin 2000, me filmin, "Dancer in the Dark".
(http://www.evropaelire.org)
Comments (0)
Dërgoja shokut
Printo
