Ministri i Drejtësisë, Eduard Halimi, i dorëzoi titullin "Dëshmor i Atdheut" familjarëve të Bujar Kaloshit, ish-drejtorit të Përgjithshëm të Burgjeve, i vrarë me armë zjarri më 26 korrik 1996 në Tiranë. Pjesëmarrës në ceremoninë e organizuar mbrëmje e djeshme në Shtëpinë e Oficerëve në Tiranë, ishin kryetarja e Kuvendit, Jozefina Topalli, kreu i Bashkisë së Tiranës, Lulzim Basha, anëtarë të kabinetit qeveritar etj. Në fjalën e tij, ministri Halimi u shpreh se, "data e sotme mban mbi vete një kujtim tejet të trishtuar. Jo vetëm largimin nga jeta të një prej njerëzve më të devotshëm dhe më të përkushtuar të sistemit të drejtësisë, por dhe të një prej themeluesve të shoqatës antikomuniste në Shqipëri dhe Partisë Demokratike në Lushnjë". "Kjo datë mban mbi vete dhe peshën e rëndë të aktit më të rëndë kriminal, atë të ekzekutimit nga krimi i organizuar të shtetarit, i cili qëllim të jetës së tij pati detyrën e lartë shtetërore të drejtorit të Përgjithshëm të Burgjeve. Ndaj edhe sot, pas 15 vjetësh është e vështirë të pajtohesh me ndarjen nga jeta të Bujar Kaloshit", u shpreh Halimi. Duke vlerësuar lart figurën e Bujar Kaloshit, ministri Halimi tha se, "Ne jemi mbledhur këtu për të nderuar pikërisht jo vetëm shtetarin dinjitoz që dha jetën në emër të detyrës së lartë, por edhe atë punë që i ka dhënë atij titullin 'Nderi i Kombit', atë përkushtim të tijin prej martiri demokracie". Ish-drejtori i Përgjithshëm i Burgjeve, Bujar Kaloshi, mbeti i vrarë më 26 korrik 1996 në Tiranë, në një atentat me armë zjarri ndaj tij.

　

Ministri Halimi i dorëzon titullin " Dëshmor i Atdheut" familjareve të Bujar Kaloshit

I nderuar zonja kryetare e Kuvendit,

Te nderuar zoterinj ministra,

I nderuar kryetar i Bashkise Tirane,

Te nderuar pjestare te familjes Kaloshi,

Data e sotme mban mbi vehte nje kujtim tejet te trishtuar. Jo vetem largimin nga jeta te nje prej njerezve me te devotshem dhe me te perkushtuar te sistemit te drejtesise, por dhe te nje prej themeluesve te shoqates antikomuniste ne Shqiperi dhe Partise demokratike ne Lushnje.

Kjo date mban mbi vehte dhe peshen e rende te aktit me te rende kriminal. Ate ekzekutimit nga krimi i organizuar te shtetarit, i cili qellim te jetes se tij pati detyren e larte shteterore te Drejtorit te Pergjithshem te Burgjeve.

Ndaj edhe sot pas 15 vjetësh është e vështirë të pajtohesh me ndarjen nga jeta të Bujar Kaloshit.

Sot ne mblidhemi për ta kujtuar atë që në fakt duhet të ishte bashkë me ne në ndërsa ndërtojmë këtë Shqipëri, për të cilën ai dha jeten dhe për të cilën ai familja e tij u persekutua nga rregjimi me i eger botes komuniste.

Ai ishte një ndër të parët që u rrjeshtuan në rradhët e atyre që kërkonin një atdhe demokratik dhe të lirë. Ishte ndër të parët që u përkushtua në ndërtimin e këtij atdheu dhe do të ishte edhe sot duke punuar për të njëjtën endërr nëse do ta kishin lejuar.

Ne jemi mbledhur këtu për të nderuar pikërisht jo vetem shtetarin dinjitoz qe dha jeten ne emer te detyres se larte, por edhe atë punë që i ka dhënë atij titullin "Nder i Kombit", atë përkushtim te tijin prej Martiri Demokracie.

Ndaj dhe sot kjo date perkujtimore pervec trishtimit mbi te gjitha na ben krenare te gjitheve ketu, familjare, bashkepunetore e shtetare qe i perkasim te njejtes familje, te njejtes klase politike e sociale. Na ben krenare sepse sot ne nderojme njeriun qe me guxim, perkushtim e vetemohim vendosi detyren shteterore dhe misionin publik para gjithkujt dhe para gjithshkaje

　

Cilesi te tilla per shtetari, jane te rralla per shoqerine tone dhe kane domethenie te madhe per te gjithe, ndaj ndjehem shume i nderuar si Minister i Drejtesise ti dorezoj sot titullin Deshmor i Atdheut familjareve te Bujar Kaloshit.

Ju faleminderit te gjitheve !