Londër, 17 dhjetor - Rreth 200 xhudistë kohë më parë morën pjesë në garën testuese për Lojërat Olimpike "Londra 2012". Shumica e uniformave të tyre simbolizoheshin me nga tri shkronja, një kod ky që tregonte shtetin prej nga vinin xhudistët. Disa xhudistë në veshje kishin inicialet e Federatës Ndërkombëtare të Xhudos (IJF). Pse?

"Nuk është një gjë e mirë kur i dëgjon njerëzit që janë afër teje dhe të pyesin 'çka është IJF'", thotë Majlinda Kelmendi.

"Ata nuk shohin që trajneri im e ka të shkruar Kosova në shpinë, por më shikojnë vetëm mua që jam garuese".

Është një situatë me të cilën xhudistja 20-vjeçare tashmë është mësuar dhe adaptuar që nga koha kur Kosova deklaroi pavarësinë e saj nga Serbia në muajin shkurt të vitit 2008. Xhudistët nga Kosova bartin në uniforma inicialet "IJF" në shpinën e tyre, pasi Kosova formalisht nuk është i njohur si shtet i pavarur nga Komiteti Olimpik Ndërkombëtar (IOC).

"Kosova është shtet e ri dhe unë dua të jem e para që do ta përfaqësoj Kosovën në Lojërat Olimpike".

Përkundër suksesit, familja e Majlindës e ka ndihmuar atë që të qëndrojë me këmbë në tokë.

Nëse Kelmendi do të arrijë të rrëmbejë medalje në Lojërat Olimpike, me logon e shtetit të saj në shpinë, atëherë padyshim se do të jetë edhe fëmija i favorizuar dhe i pëlqyer i Kosovës, transmeton Koha Ditore një reportazh të gjatë të BBC për xhudisten tonë më të njohur.

(http://www.koha.net)

Rating (Votes: )

Comments (0)

Dërgoja shokut

Printo

---