Voal-online - LOS ANXHELOS (Reuters) - Aktorja Lindsay Lohan iu shpëtoi lëndimeve pas përplasjes së fortë të veturës së saj Porsche me një kamion të premten në një autostradë të Kalifornisë Jugore. Policët thanë se Lohan ishte në timonin e veturës së saj të zezë Porsche dhe kishte pasagjer një burrë emri i të cilit nuk përmendet në Autostradën e Bregut Paqësor në Santa Monika rrugës për në sheshin e xhirimeve të filmit më të ri të saj, ndërkohë që u përplas me një kamion.

Aktorja dhe pasagjeri i saj i dërguan në spital si masë mbikqyrjeje dhe u liruan pak më vonë. As Lohan, as drejtuesi i kamionit nuk ishin nën ndikimin e drogave apo alkoolit, thanë policët. "Lindsay u përfshi një aksident automobilistik sot në rrugë për në sheshin e xhirimeve.... Ajo është mirë dhe u lirua në më pak se dy orë pas shtrimit. Tani është duke u kthyer në punë. Fatmirësisht nuk ka pasur lëndime serioze," tha zëdhënësi i saj Steve Honig në një deklaratë.

Uebsajti i famozëve TMZ publikoi foto të veturës Porsche të Lohanit pas incidentit, duke treguar pjesën e përparme të shtapur dhe dritaret e veturës të thyera. Lohan, 26 vjeçe, është duke e marrë veten pas një varg shqetësimesh ligjore dhe vetjake që nga viti 2007, përfshirë vuajtje në burg, rehabilitim kundër drogës dhe gjyqe. Ajo u irua në mars nga një akuzë që mund të çonte në dënimin e saj me pesë vjet burg pasi më 2007 kishte ngarë veturën e dehur dhe me vete kishte kokainë. 

Aktorja aktualisht është duke luajtur legjendën e ekranit të madh Elizabeth Taylor në filmin biografik televiziv "Liz & Dick," bazuar në aferën e dashurosë të Taylor me aktorin Richard Burton./Përktheu Elida Buçpapaj