Në qytetin 2400 vjeçar të Beratit është inaguruar Universiteti i Beratit si dhe
është organizuar njëkohësisht ceremonia e diplomimit të 1000 studentëve.
Kryeministri Sali Berisha i pranishëm në këtë ceremoni së bashku me presidentin
e Universitetit të Beratit, Astrit Veliaj kanë prerë shiritin e inugarimit. Në
universitetin e Beratit janë 200 pedagogë staf akademik që japin mësim çdo
semestër. Studentët në këtë universitet janë nga 20 qytete të ndryshme të
Shqipërisë si Berati, Durrësi, Kavaja e shumë qytete të tjera. I pranishëm në
këtë ceremoni ishte ministri i arsimit dhe shkencës Myqerem Tafaj dhe
gjithashtu krerë të bashkive kryesore të vendit si kryetari i bashkisë së
Beratit, Durrësit etj.
Presidenti i Universitetit të Beratit, Astrit Veliaj, në fjalën e tij tha se ne
erdhëm për të hapur një universitet për ti dhënë mundësinë të rinjve të kësaj
krahinë të studionin me tarifa shtetërore. "Ne ja nisëm nga zero dhe ja
dolëm, Universiteti u hap" kështu deklaroi Veliaj. Nderim për vlerat tuaja
dhe falenderim për mbështetjen e treguar, parashikojmë brenda 2020 të
investojmë 35 milione euro, për një kampus universitar, kolegje e shkolla të
mesme, me godina perëndimore që do të ndryshojnë qytetin tonë. 1000 familje do
të kenë nga një pjesëtar të arsimuar. Veliaj falenderoi kryeministrin Berisha
për mbështetjen e dhënë në arsimimin privat. "Ta gëzojë Berati
Universitetit për të qenë të parët para kësaj bote" përfundoi Veliaj.
Pas përfundimi të fjalës së presidentit të Universitetit të Beratit mori fjalën
kryeministri i vendit Sali Berisha përshëndeti të pranishmit dhe shprehu
kënaqësinë për këtë ngjarje që siç tha kryeministri pas fitimit të lirisë është
një nga ngjarjet më të mëdha në shumë shekuj në këtë qytet. "Hapja e
universitetit të Beratit përbën një zhvillim të madh për mbarë kombin shqiptar.
Berisha përgëzoi Astrit Veliaj ai tha se " ky universitet është një tempull që
i mungonte kaq shumë qytetit të Beratit, dëshmi kjo e dashurisë suaj të
pakufishme për Beratin, dashuri që buron nga shpirti i çdo shqiptari që ka për
vendin e tij". Berisha falenderoi stafin pegagogjik dhe studentët që sipas tij
ka ndryshuar jetën e qytetit tonë, jetën e Beratit.
"Shqipëria do mund të jetë zonjë e vërtetë midis kombeve të tjera që herë e
deshën e herë e perçmun, shqipëria do të zërë vendin e vet vetëm si shqipëri e
mendjes e dijes dhe ideve" tha ndër të tjera Berisha.
I ftuar në këtë ceremoni është dhe aktori i njohur Mirush Kabashi i cili
vlerësoi arkitekturën e universitetit të Beratit dhe theksoi se qytetit të
Beratit po i rikthehet gjallëria. Aktori i njohur Mirush Kabashi ka falenderuar
presidentin e Albanian University si dhe Universitetit të Beratit për
investimin e bërë në qytetit e Beratit. Aktori i njohur përshëndeti të gjithë
pjesëmarrësit, studentët, akademikët dhe të ftuarit e në veçanti presidentin e
Universitetit të Beratit me një poezi të titulluar "Në mundsh" nga
Rikard Kipli. Në përfundim të ceremonisë u dhanë dhe diplomat për brezin e parë
të studentëve.
Universiteti i Beratit
Universiteti i Beratit është një institucion privat, i pavarur dhe laik i
Arsimit të Lartë, i cili operon me tarifa shtetrëore. Liçensuar me Vendim të
Këshillit të Ministrave, Nr. 697 të datës 18.06.2009, ai hapi dyert në vitin
akademik 2009- 2010, duke ofruar programe studimi në dy Fakultete: Fakultetin e
Shkencave Shoqërore me Programet Mësimore në Shkenca Juridike, Shkenca
Politiko-Administrative dhe Psikologji e Përgjithshme si edhe Fakultetin e
Ekonomisë me Programet Mësimore në Financë-Bankë dhe Administrim-Biznes. Gjatë
vitit të parë akademik, ndoqën studimet rreth 1000 studentë.
Një vit më vonë ky institucion ofroi diploma të reja universitare në programet
e studimit: Mësuesi për Arsim Parashkollor, Mësuesi për Arsim Fillor, Gjuhë
Angleze, Infermieri, Inxhinieri Kompjuterike dhe Teknologji Informacioni, duke
e finalizuar kështu vitin akademik 2010-2011 me hapjen e dy fakulteteve të
reja: Fakulteti i Shkencave Mjekësore dhe Fakulteti i Arkitekturës dhe
Inxhinierive.
Viti akademik 2010- 2011 e gjen Universitetin e Beratit me rreth 2600 studentë
në ciklin e parë të studimit. Që në vitin e parë të krijimit të tij dhe në
vazhdim, ky institucion vuri në qendër të jetës akademike promovimin e
produktit intelektual dhe shkrirjen e mësimit me kërkimin shkencor. Nëpërmjet
prezantimeve, hulumtimeve dhe shkëmbimit , Universiteti orienton dhe nxit
identifikimin dhe zhvillimin e projekteve të cilat do të konsolidojnë edhe
njëherë qëllimin e tij parësor, atë të zhvillimit shkencor dhe kërkimor drejt
cilësisë më të mirë.