Dëshmi i truprojës së këngëtares gjatë seancës së fundit hetimore për vdekjen e saj, më 2011. Ai e pa duke çuar darkën në dhomën e gjumit dhe duke parë, si e hipnotizuar koncertet e saj në Youtube. Por një natë më parë, doktoreshës së vet i kishte thënë se nuk donte të vdiste
Voal-online - LONDËR, 10 JANAR - Ka vdekur duke parë vetveten. Amy
Winehouse, këngëtarja e madhe angleze e vdekur para kohe në korrik 2011, e
kaloi natën e saj të fundit para kompjuterit, si e hipnotizuar nga videot
muzikore të këngëve të saj në YouTube. E ndërkaq pinte vodka, aq shumë sa ta
kalonte pesë herë limitin e lejuar për ata që ulen pranë timonit. Dhe pikërisht
tepërimi me alkool e vrau atë, siç ka përcaktuar autopsia. Por kjo tashmë
dihej. Hollësitë e reja për orët e fundit të artistes së re i ka dhënë truproja
e saj, që ka dëshmuar në një seancë të re dhe përfundimare të hetimit të
drejtësisë mbi shkaqet dhe rrethanat e vdekjes.
Andrew Morris, që ishte shoqëruar i Amyt dhe që thoshte se me këngëtaren ishin
si "vëlla e motër", i ka treguar hetuesit se atë natë ai dhe
këngëtara ishin vetëm në shtëpi, në banesën e saj në Londër. Ai porosit darkën
për vete në një resotrant indian të lagjes e Amy shkoi të hajë vetëm në dhomën
e saj. "Duke e njëjta si ka qenë gjithmonë, nuk sillej ndryshe nga zakonisht,"
ka thënë truproja. Por një gjë të veçantë mund të krijonte alarm: Winehouse
shikonte vetveten. E kaloi mbrëmjen me sytë ngulur tek videot e këngëve të saj
në YouTube. "Nuk e kisha parë kurrë kështu, nuk ishte në natyrën e
saj," ka pranuar Morris.
Kur shkoi në mëngjes ta kontrollonte nëse ishte zgjuar, e pa në shtrat dhe
mendoi se ende po flinte. Më vonë, në një kontroll, vërejti se ishte në të
njëjtin pozicion të mëparshëm dhe, kësisoj, dyshoi: ia preku pulsin, nuk ndjeu
asnjë rrahje dhe vuri re një mori shishesh vodke të boshatisura në dhomën e
saj. Por ishte tepër vonë për ta shpëtuar. Amy e kishte mundur vartësinë saj
nga droga, por pak ditë para se të vdiste kishte filluar të pinte rëndshëm.
Sipas një dëshmie të dhënë para hetimit, ajo kishte pësuar të fikët tri herë
nga vodka në ditët e fundit të jetës së saj. E mbrëmjen e vdekjes ishte aq e
dehur sa kishte nisur një tweet delirant. Gjithsesi, nuk donte të
vetëshkatërrohej. Nuk donte të vdiste. Në një dëshmit të shkruar dhe të
publikuar pardje në seancën dëgjimore, mjekja e saj personale, Cristina Romete,
ka treguar se e kishte takuar natën para mbidozës fatale alkoolike: "Amy
më tha shkoqur se nuk dëshironte të vritej, nuk donte të vdiste. E kishte
paralajmëruar për rreziqet që kishte nga alkooli. Mjerisht as ajo nuk ishte në
gjendje ta shpëtonte pacienten e saj. E nuk ishte askush me të atë mbrëmje që
mund ta ndihmonte. Përveç truprojës, që ndodhej në katin më poshtë, i
pavetëdijshëm për dramën që po ndodhte.Përktheu: ELIDA BUÇPAPAJ
(Repubblica)