BASHKIMI EVROPIAN IA UROI DITËLINDJEN ANGELA MERKELIT - GJERMANIA FESTON 60 VJETORIN E KANCELARES (Tekst dhe fotogaleri)
E Enjte, 07.17.2014, 06:30am (GMT+1)
Voal-online.ch - Në Bruksel liderët evropianë ia uruan ditëlindjen e gjashtëdhjetë kancelares gjermane Angela Merkel me një dolli dhe me një tufë lulesh gjatë takimit të Bashkimit Evropian.
60 vitet e kancelares festohen edhe në Berlin dhe në mbarë Gjermaninë. Është një 60 vjetor i ditëlindjen që festohet në kulmin e karrierës dhe të popullaritetit, prandaj festa e ditëlindjes kulmon sot pikërisht në Berlin, kryeqytetin e Gjermanisë.
Në selinë qendrore të CDU-së në praninë e shumë të ftuarve një historian do të flasë për jetën, veprimtarinë dhe figurën e Angela Merkelit. Dhe muzeu Kennedy i kryeqytetit kremton me një ekspozitë të 60 fotove që iu përkasin momenteve të ndryshme të 20 viteve të fundit, ndërsa përballë portës së Brandeburgut lartohet një statujë dylli e kancelares.
Angela Merkel, e njohur si gruaja më e fuqishme e botës, ka lindur në afërsi të Hamburgut më 17 korrik 1954. Emri i saj i plotë i vajzërisë është Angela Dorothea Kasner, mbiemri është ai i burrit të parë. Babai Horst ishte një teolog ungjillor, nëna Herlind mësuese e latinishtes dhe anglishtes. Pak pas lindjes së Angelas familja u transferua në RDGJ, më parë në Quitzow, pastaj nga 1957 në Templin ku Angela do të kryente studimet për fizikë.
Në moshën 35 vjeçare, më 1989 - vitin e rënies së Murit të Berlinit - Merkel bëhet aktive në politikë. Më 1990 zgjidhet në Bundestag, afirmohet me shpejtësi të madhe në CDU dhe emërohet në qeverinë e tretë të Helmut Kohl ministre për politikat ndaj grave dhe të rinjve, ndërsa më 1994 ministre e Ambjentit.
Pas humbjes së Kohl në zgjedhjet federale të vitit 1998, emërohet sekretare e përgjithshme e CDU-së, ndërsa në vitin 2000 presidente e partisë. Në vitin 2005 kandidohet për kancelare nga CDU-CSU dhe Merkel zgjidhet kancelare e Gjermanisë. Merkel është martuar për herë të dytë më 1998 me Joachim Sauer, profesor kimie. Nuk ka fëmijë. Sauer ky dy fëmijë nga një martesë e mëparshme.
"Është sërfistja politike më e mirë që ka Gjermania," ka komentuar në një rast socialdemokrati Thorsten Albig në televizionin ARD duke folur për kancelarën. (ansa)
Statuja e dyllit kushtuar Angela Merkelit përballë Portës së Brandeburgut. (afp)
Statuja e dyllit kushtuar Angela Merkelit përballë Portës së Brandeburgut. (afp)
Angela Merkel me Shkodran Mustafin në Brazil me rastin e fitores së Kupës së Botës për herë të katërt nga Kombëtarja Gjermane
Vetëshkrepje e postuar nga Lucas Podolski (djathtas) me kancelaren Angela Merkel në mbarim të finales së fituar kundër Argjentinës në Botërorin 2014 (ansa)
Angela Merkel me presidentin e SHBA Barack Obama (lapresse)
ELIDA BUÇPAPAJ
|