QYTETARËT E KANË HUMBUR BESIMIN NË KËTË KASTË POLITIKE Nga SKËNDER MULLIQI
E Mërkurë, 10.08.2014, 06:50pm (GMT+1)
Të gjithë kemi menduar së Kosova pas luftës do të udhëheqet mirë, me ekspert , me njerëz të guximshem, kreativ dhe që janë të zotët të hapin përsepektiva të reja në kushtet e pluralizmit politik dhe demokracisë. Sot, pas shumë vitësh na është dhënë një pasqyrë krejt tjeter nga ajo që e kemi paramenduar .Shteti ynë gjithnjë e më shumë në vend të prosperitetit , e ka kapluar krizë e madhe politike dhe ekonomike.Kosova shumë është duke u zhveshur nga gjithçka qe e veqon për të mirë një shtet. Gjithmonë ai që e ka pushtetin e ka edhe me lehtë të vepron. Që katër muaj pas zgjedhjeve nacionale populli po prêt që të zgjedhen më në fund organet e reja të shtetit.Shumë lehtë vendi do të shkojë edhe një herë në zgjedhje të parakohshme nacionale. Kjo duket si mundësi e vetme që ka mbetur , mund të ndodhe ndryshe vetëm nese intervenon faktori ndërkombëtar. Ne, po jemi të detyruar ti numerojmë dështimet , por nga kjo punë tash nuk ka hiq asgjë.Prandaj lypset mobilizim i përgjithshem i të gjithëve si të partive politike dhe qytetarve që fuqishem të veprojnë për ndryshimin e gjendjes për të mirë.Qytetarët shumë e kan humbur besimin në partitë politike dhe në politikë përgjithësisht sepse shumë herë deri me tash ata u mashtruan keq .Kjo nuk guxon ti pasivizon qytetarët para gjendjës në të cilën është katandisur shteti. Politika e mirë ose e keqe matet me rezultate e jo me fjalë.Çdo problem zgjedhet duke u ballafaqur me te, e jo duke iu shmangur atij.Të gjithë qytetarët e dinë mirë së si është udhëhequr shteti deri me tash. Është udhëhequr në menyrë vetiake, është udhëhequr keq dhe gabimisht , qëllimisht dhe është plaçkitur nga kjo elitë politike , e cila është kujdesur më shumë për ti rregulluar punët e veta.Gjithnjë e më shumë kjo gjendje po e godet intelektin dhe mendjen e shëndosh të secilit prej nesh.Është koha që të rregullohen punët së pari në ekonomi , duke u bërë reforma, dhe duke u larguar nga praktikat e vjetra . Nuk ka reforma ekonomike në asnjë shtet pa kuadro profesioniste. Njerëzit e politikës këtë punë nuk kanë mundësi ta bëjnë, e më së paku kjo klasë e jona politike.Vetëm me ndryshme pozitive ekonomike nga njerëzit profesionist edhe mund të bëjmë diçka në planin e punësimit të të rinjeve tanë të cilët kan mbetur në mëshirën e kohës.
Demagogjive dhe demagogve politik duhet thënë stop njëherë e përgjithmonë. Pa barazi sociale nuk mund të themi që po ndërtojmë shtet të mirëfilltë.Duhet të funksionojë shteti pa anime partiake, pastaj policia, gjyqësia, arsimi dhe çdo organ tjeter shtetëror. Çdo strukturë shtetërore duhet të veproj me njerëz të cilët nuk kan afera të krimit dhe korrupcionit.Të promovojmë krejt një kulturë tjetër në secilin segment të jetës.Shoqëria jonë ka nevojë të bëhët shoqëri e dijës e cila po na mungon.Shqiptarët janë me orjentime propërendimore dhe ai kurs duhet të vazhdohet.Por, vështirë të përparohet pa u bër ndryshime përmbajtësore në mbarë sistemet, dhe pa një gjakë të ri politik ...
SKËNDER MULLIQI
|